பழனி தைப்பூசம் 2026 : பாத யாத்திரை பக்தர்களே.. ஜன 7 முதல் ஜன 4 வரை மிஸ் பண்ணிடாதீங்க

திண்டுக்கல்: திண்டுக்கல் மாவட்டம் பழனியில் தைப்பூச பக்தர்கள் நலனுக்கான சிறப்பு யாகம், பூஜைகள் வருகிற 7-ந்தேதி முதல் தொடங்குகிறது. அதன்படி 7-ந்தேதி பழனி முருகன் கோவில் ஆனந்தவிநாயகர் சன்னதியில் சிறப்பு யாகம் நடைபெறுகிறது. 8-ந்தேதி வீரதுர்க்கை அம்மன் கோவில், 9-ந்தேதி அழகுநாச்சி அம்மன் கோவில், 11-ந்தேதி வனதுர்க்கை அம்மன் கோவில், 13-ந்தேதி மகிஷாசூரமர்த்தினி அம்மன் கோவிலில் சிறப்பு யாகம், பூஜைகள் நடைபெற உள்ளது.

பழனி முருகன் கோவிலில் ஆண்டுதோறும் தைப்பூச திருவிழா வெகுவிமரிசையாக நடைபெறுவது வழக்கம். தைபூசம் அன்று தமிழ்நாடு முழுவதும் ஏராளமான ஆன்மீக பக்தர்கள் வந்து செல்வார்கள்..தமிழ்நாடு மட்டுமின்றி அண்டை மாநிலமான கேரளா, கர்நாடகா, ஆந்திரா, தெலுங்கானா மற்றும் புதுச்சேரியில் இருந்தும் ஏராளமான பக்தர்கள் வருவார்கள்.

அதுமட்டுமின்றி, வௌிநாடுகளில் இருந்து லட்சக்கணக்கான பக்தர்கள் கலந்து கொண்டு தரிசனம் செய்வார்கள். தைபூச திருவிழாவையொட்டி பாதயாத்திரையாகவும், காவடி எடுத்து வரும் பக்தர்கள் அதிகம் ஆகும். அதன்படி பழனி முருகன் கோவில் தைப்பூச திருவிழா வருகிற 26-ந்தேதி கொடியேற்றத்துடன் தொடங்குகிறது.

தைப்பூச விழாவை முன்னிட்டு தற்போதே மதுரை, கரூர், உடுமலை என பல்வேறு ஊர்களில் இருந்து பழனிக்கு பாதயாத்திரையாக பக்தர்கள் வர தொடங்கி உள்ளனர். தைப்பூச பாதயாத்திரை பக்தர்கள் பாதுகாப்புடனும், நலமுடனும் வந்து சாமி தரிசனம் செய்வதற்காக ஆண்டுதோறும் பழனி முருகன் கோவில் மற்றும் அதன் உபகோவில்களில் சிறப்பு யாகம், பூஜைகள் நடைபெறுவது வழக்கம் ஆகும்.

அந்தவகையில் இந்த ஆண்டும் தைப்பூச பக்தர்கள் நலனுக்கான சிறப்பு யாகம், பூஜைகள் வருகிற 7-ந்தேதி முதல் தொடங்குகிறது. அதன்படி 7-ந்தேதி பழனி முருகன் கோவில் ஆனந்தவிநாயகர் சன்னதியில் சிறப்பு யாகம் நடைபெறுகிறது. 8-ந்தேதி வீரதுர்க்கை அம்மன் கோவில், 9-ந்தேதி அழகுநாச்சி அம்மன் கோவில், 11-ந்தேதி வனதுர்க்கை அம்மன் கோவில், 13-ந்தேதி மகிஷாசூரமர்த்தினி அம்மன் கோவிலில் சிறப்பு யாகம், பூஜைகள் நடக்கிறது.

மேலும் 10, 12, 14 ஆகிய தேதிகளில் திசா ஹோமமும், 13-ந்தேதி கன்னிமார், கருப்பணசுவாமிக்கு பூஜை, பைரவ-பைரவி பலிபூஜையும் நடக்கிறது. 14-ந்தேதி இடும்பன் படையல் பூஜை நடைபெறுகிறது. நிகழ்ச்சி ஏற்பாடுகளை கோவில் அலுவலர்கள் செய்து வருகின்றனர்.

English summary

Palani Thaipusam festival 2026 : : Special yagna for the welfare of the pilgrims undertaking the foot pilgrimage in connection with the Palani Thaipusam festival 2026