திடீரென வந்த போன் கால்! விருட்டென புறப்பட்ட தென்னரசு! காரில் அமர்ந்ததும் அடித்த 'பஞ்ச்'!
வாக்கு எண்ணிக்கை மையத்திலிருந்து பாதியில் வெளியேறிய தென்னரசு.
ஈரோடு: ஈரோடு கிழக்குத் தொகுதி இடைத்தேர்தல் வாக்கு எண்ணிக்கை மையத்திலிருந்து பாதியிலேயே விருட்டென புறப்பட்டுச் சென்றார் அதிமுக வேட்பாளர் கே.எஸ்.தென்னரசு.
வாடிய முகத்துடன் கார் ஏற வந்த அவரை செய்தியாளர்கள் சூழ்ந்து கொண்டு பல்வேறு கேள்விகள் எழுப்பிய நிலையில், ஒரே கேள்வி ஒரே பதில் என்று கூறிய அவர் ''பணநாயகம் ஜெயித்துவிட்டது; ஜனநாயகம் தோற்றுவிட்டது'' என பஞ்ச் அடித்தார்.
இதனிடையே செய்தியாளர்கள் விடாமல் அடுத்தடுத்து கேள்விகளை எழுப்பியதால் கடுப்பான அவர், வண்டியை எடுப்பா என ஓட்டுநரிடம் சீறினார்.
ஈரோடு கிழக்கு
ஈரோடு கிழக்கு இடைத்தேர்தல் முடிவுகள் காலை 8 மணி முதல் வெளியாகி வரும் நிலையில், வாக்கு எண்ணிக்கை மையமான சித்தோடு ஐ.ஆர்.டி.டி. கல்லூரியில் இருந்து பாதியிலேயே புறப்பட்டுச் சென்றுவிட்டார் அதிமுக வேட்பாளர் கே.எஸ்.தென்னரசு. தொடர்ந்து காங்கிரஸ் வேட்பாளர் ஈ.வி.கே.எஸ். இளங்கோவன் முன்னிலை வகித்து வந்ததை தொடர்ந்து அப்செட்டாக இருந்த அவர், தனக்கு வந்த திடீர் போன் காலை தொடர்ந்து விருட்டென கிளம்பிச் சென்றுவிட்டார்.
பஞ்ச் டயலாக்
இதனிடையே தனது முகவர்களாக உள்ளவர்களை வாக்கு எண்ணிக்கை முடிவடையும் வரை சித்தோடு ஐ.ஆர்.டி.டி. கல்லூரியிலேயே இருக்குமாறு அறிவுறுத்திவிட்டு தான் சென்றிருக்கிறார் தென்னரசு. ''பணநாயகம் ஜெயித்துவிட்டது; ஜனநாயகம் தோற்றுவிட்டது'' என பஞ்ச் அடித்த அவர் மேற்கொண்டு தன்னிடம் எந்தக் கேள்வியும் கேட்க வேண்டாம் எனக் கூறிவிட்டார். காலையில் உற்சாகமுடன் வாக்கு எண்ணிக்கை மையத்துக்கு வந்த தென்னரசு நண்பகல் 12 மணியளவில் வாடிய முகத்துடன் காணப்பட்டார்.
வெற்றி தோல்வி
தேர்தலை பொறுத்தவரை வெற்றி தோல்வி என்பது சகஜமானது. கடந்த சட்டமன்றத் தேர்தலின் போது த.மா.க வேட்பாளர் யுவராஜ்பெற்ற வாக்குகளை விட இந்த முறை குறைவான வாக்குகள் கிடைத்துவிடுமோ என்பது தான் தென்னரசுவால் ஜீரணிக்கவே முடியவில்லை என்கிறார்கள். இதனிடையே எடப்பாடி பழனிசாமியை அதிமுக வேட்பாளர் தென்னரசு நேரில் சந்தித்து பேசுவார் எனத் தெரிவிக்கப்படுகிறது.
திமுகவினர் உற்சாகம்
ஈவிகேஎஸ் இளங்கோவன் வெற்றியை காங்கிரஸ் கட்சியினர் கொண்டாடுகிறார்களோ இல்லையோ தமிழ்நாடு முழுவதும் திமுகவினர் மக்களுக்கு இனிப்புகள் வழங்கி கொண்டாடி வருகின்றனர்.
Click it and Unblock the Notifications
Sign in with Google