அடேங்கப்பா! 64.58 % வாக்குகள்..ஈரோடு கிழக்கு தொகுதி தேர்தலில் சரித்திரம் படைத்த ஈவிகேஎஸ் இளங்கோவன்!

ஈரோடு கிழக்கு தொகுதி தேர்தல் சரித்திரத்தில் முதல் முறையாக ஈவிகேஎஸ் இளங்கோவன் 64.58 % வாக்குகள் பெற்றுள்ளார்.

ஈரோடு: ஈரோடு கிழக்கு சட்டசபை தொகுதி இடைத்தேர்தலில் தற்போது வரை காங்கிரஸ் கட்சியின் வேட்பாளர் 64.58 %வாக்குகளைப் பெற்று சரித்திரம் படைத்துள்ளார். ஈரோடு கிழக்கு தொகுதி தேர்தல் வரலாற்றிலேயே ஒரு வேட்பாளர் 64.58 %வாக்குகளைப் பெறுவது இதுவே முதல் முறையாகும்.

ஈரோடு கிழக்கு தொகுதி இடைத்தேர்தலில் பதிவான வாக்குகள் காலை முதல் எண்ணப்பட்டு வருகின்றன. காலை 8 மணிக்கு வாக்கு எண்ணிக்கை தொடங்கியது முதலே காங்கிரஸ் வேட்பாளர் ஈவிகேஎஸ் இளங்கோவன் தொடர்ந்து முன்னிலையில் இருந்தார். சுமார் 65,000 வாக்குகள் வித்தியாசத்தில் ஈவிகேஎஸ் இளங்கோவன் அமோக வெற்றி பெற்றார்.

தேர்தல் ஆணையத்தின் அதிகாரப்பூர்வ புள்ளி விவரங்களின்படி வாக்கு விவரம்:

காங். ஈவிகேஎஸ் இளங்கோவன் - 1,10,156 ; அதிமுக தென்னரசு- 43,923; நாம் தமிழர் மேனகா நவநீதன் 10,827; தேமுதிக ஆனந்த் 1432 வாக்குகளைப் பெற்றனர்.

தேர்தல் ஆணைய விவரப்படி வேட்பாளர்கள் பெற்ற வாக்குகள் சதவீதம்:

• காங்கிரஸ் ஈவிகேஎஸ் இளங்கோவன் 64.58%
• அதிமுக 25.75%
• நாம் தமிழர் மேனகா 6.35%
• தேமுதிக ஆனந்த் 0.84%

ஈரோடு கிழக்கு தொகுதியில்

• 2011-ம் ஆண்டு தேர்தலில் கட்சிகள் பெற்ற வாக்கு சதவீதம்: தேமுதிக சந்திரகுமார் 50.83% ; திமுக முத்துசாமி 43.01%; பாஜக ராஜேஷ்குமார் 2.38%
• 2016-ம் ஆண்டு தேர்தலில் கட்சிகள் பெற்ற வாக்கு சதவீதம்: அதிமுக தென்னரசு 43.83%; திமுக சந்திரகுமார் 38.57%; தேமுதிக பொன்சேர்மன் 4.58%; பாஜக ராஜேஷ்குமார் 3.75%
• 2021-ம் ஆண்டு தேர்தலில் கட்சிகள் பெற்ற வாக்கு சதவீதம்: காங். திருமகன் ஈவெரா 44.27; தமாகா யுவராஜா 38.41%; நாம் தமிழர் கோமதி 7.65%; மநீம ராஜ்குமார் 6.98%; அமமுக 0.79%.
• 2011-ம் ஆண்டு ஈரோடு கிழக்கு தொகுதி உருவாக்கப்பட்டது. ஈரோடு கிழக்கு தேர்தல் வரலாற்றில் முதல் முறையாக வேட்பாளர் ஒருவர் சுமார் 60%-க்கும் அதிகமான வாக்குகளைப் பெற்றிருக்கிறார் என்பது குறிப்பிடத்தக்கது.

English summary

In the Erode East By-Election, Congress Candidate EVKS Elangovan got 67.12% votes.