ஈரோடு லோக்சபா தொகுதி: பெரியார் மண்ணில் பெருவெற்றி பெறப் போவது யார்? கடும் போட்டியில் திமுக- அதிமுக!

ஈரோடு: திராவிட இயக்கத்தின் தந்தை பெரியார் பிறந்த ஈரோடு லோக்சபா தொகுதியில் திராவிட கட்சிகள் கோலோச்சிக் கொண்டிருக்கின்றன. திமுகவும் அதிமுகவும் கொடிகட்டிப் பறக்கும் ஈரோடு தொகுதியில் களம் அனல் பறக்கிறது.

ஈரோடு லோக்சபா தொகுதியில் அடங்கியுள்ள சட்டசபை தொகுதிகள்: ஈரோடு கிழக்கு, ஈரோடு மேற்கு, மொடக்குறிச்சி, குமாரபாளையம், காங்கேயம், தாராபுரம். இந்த 6 சட்டசபை தொகுதிகளில் 3 திமுக வசம் உள்ளன. அதிமுக, பாஜக, காங்கிரஸிடம் தலா ஒரு தொகுதிகள் உள்ளன. ஈரோடு, திருப்பூர், நாமக்கல் ஆகிய 3 மாவட்டங்களின் தொகுதிகளை உள்ளடக்கியதாக ஈரோடு லோக்சபா தொகுதி உருவாக்கப்பட்டுள்ளது.

ஈரோடு தொகுதி வாக்காளர்கள் எண்ணிக்கை: 15,28,241; ஆண்கள்- 7,40,298
பெண்கள்- 7,87,762; 3-ம் பாலினத்தவர்- 181.

2009-ம் ஆண்டு லோக்சபா தேர்தல் முடிவுகள்

அ. கணேசமூர்த்தி(மதிமுக) 2,84,148
ஈவிகேஎஸ் இளங்கோவன்(காங்கிரஸ்) 2,34,812
பாலசுப்பிரமணியம் (கொமுபே)1,06,604

முத்து வெங்கடேஸ்வரன்(தேமுதிக)91,008

என். பி. பழனிசாமி பாஜக (8,429)

2014-ம் ஆண்டு தேர்தல் முடிவுகள்

எஸ். செல்வக்குமார் சின்னையன்(அதிமுக) 4,66,995
அ. கணேசமூர்த்தி (மதிமுக) 2,55,432
எச். பவித்திரவள்ளி (திமுக) 2,17,260
பி. கோபி(காங்கிரஸ்) 26,726

2019-ம் ஆண்டு தேர்தல் முடிவுகள்

அ. கணேசமூர்த்தி(திமுக) 5,63,591
மணிமாறன்(அதிமுக)3,52,973
சரவணக்குமார்(மக்கள் நீதி மய்யம்) 47,719
மா. கி. சீதாலட்சுமி(நாம் தமிழர் கட்சி)39,010
செந்தில் குமார்(அமமுக) 25,858

2024-ம் ஆண்டு தேர்தல் களத்தில் நிற்கும் வேட்பாளர்கள்

பிரகாஷ் (திமுக)
ஆற்றல் அசோக்குமார் (அதிமுக)
விஜயகுமார் (தமாகா)
கார்மேகன் (நாம் தமிழர்)

ஈரோடு தொகுதி நிலவரம் என்ன? : முன்னர் திருச்செங்கோடு தொகுதியாக இருந்த போது திமுக, அதிமுக மாறி மாறி வென்ற தொகுதி. இத்தொகுதியில் நெசவு, விவசாயம் முதன்மைத் தொழில். கொங்கு வேளாள கவுண்டர்கள் அதிகம் உள்ள தொகுதி. முதலியார், வேட்டுவ கவுண்டர், தலித்துகள், வட இந்தியர்கள், நாடார்கள், வன்னியர்கள் சிறுபான்மையினரும் கணிசமான வாக்காளர்கள். சாயக்கழிவு நீர், சுற்றுச்சூழல் பாதிப்பு, காவிரி மாசு, செங்காதள் மலர் விலை பிரச்சனை, முருங்கை சாகுபடி சிக்கல்கள், கீழ்பவானி வாய்க்கால் பிரச்சினை என பட்டியலிடுகின்றனர் வாக்காளர்கள். அதேபோல ஈரோடு- பழனி ரயில் திட்டம் குறித்தும் பெரும் எதிர்பார்ப்பு உள்ளது. கள் இறக்க அனுமதிக்க வேண்டும் என்பதும் முதன்மை கோர்க்கை. ரேஷன் கடைகளில் தேங்காய் விற்பனை தங்களுக்கு பேருதவி என்கின்றனர் வாக்காளர்கள். தந்தை பெரியார் பிறந்த மண் ஈரோடு. இத்தொகுதியில் திமுக, அதிமுக வலுவான வாக்கு வங்கிதான். ஆனாலும் மொடக்குறிச்சி சட்டசபை தொகுதியில் சொற்ப வாக்கு வித்தியாசத்தில் பாஜக வென்றது. களத்தில் பாஜகவுக்காக தமாகா நின்றாலும் நாம் தமிழர் கட்சி தனித்துப் போட்டியிட்டாலும் திமுக- அதிமுக பக்கமே வாக்காளர்கள் நிற்கின்றனர்.

English summary

Explore Erode Lok Sabha Constituency: Candidates, Assembly Constituencies, Voter Count, Past Results & Current Status. ஈரோடு மக்களவைத் தொகுதி: வேட்பாளர்கள், சட்டமன்றத் தொகுதிகள், வாக்காளர் எண்ணிக்கை, தேர்தல் முடிவுகள் & தற்போதைய கள நிலவரம் பற்றி அறிய இந்த பக்கத்தை பார்க்கவும்.