மானத்தை வாங்கிய ஹைதராபாத்.. குப்பை நகரங்களின் பட்டியலில் இடம்பிடித்த ஒரே இந்திய நகரம்.. உலகளாவிய சர்வே ரிசல்ட்

ஹைதராபாத்: உலகிலேயே அசுத்தமாக குப்பை நகரமாக இருக்கும் சிட்டிகளின் பட்டியலில் நம் நாட்டின் ஹைதராபாத் 18 வது இடத்தில் உள்ளது. இந்த பட்டியலில் இடம்பிடித்துள்ள ஒரே இந்திய நகரம் ஹைதராபாத் தான் என்ற நிலையில் டாப் 5 இடங்களில் உள்ள சிட்டிகளின் பெயர் விவரம் வருமாறு:

குப்பை.. ஒவ்வொரு நகரங்களிலும் இருக்கும் பெரிய பிரச்சனை. குறிப்பாக சென்னை, பெங்களூர், ஹைதராபாத், டெல்லி உள்ளிட்ட பெரிய பெரிய நகரங்களில் தினமும் குப்பைகளை சேகரித்து அப்புறப்படுத்தி நகரை நன்றாக வைத்து கொள்வது என்பது பெரும் சவாலாக உள்ளது.

Photo Credit:

AI

இந்நிலையில், தான் ‛ரேடிக்கல் ஸ்டோரேஜ்' (Radical Storage) சார்பில் உலகலாவிய அளவில் அசுத்தமான நகரங்களின் பட்டியல் தயார் செய்யப்பட்டுள்ளது. ‛ரேடிக்கல் ஸ்டோரேஜ்' என்பது சுற்றுலா தலங்களில் சுற்றுலா பயணிகளுக்கு தேவையான வசதிகளை செய்து தரும் நிறுவனமாகும்.

உலகம் சுற்றி வரும் டிராவலர்களின் கொடுத்த ரிவ்யூ அடிப்படையில் நகரங்களின் பட்டியல் வரிசைப்படுத்தப்பட்டுள்ளது. நகரில் நிலவும் சுத்தம், சுகாதாரம், சுற்றுலா தலங்களில் இருக்கும் மாசுபாகுபாடு ஆகியவற்றை அளவுகோலாக வைத்து இந்த பட்டியல் வெளியிடப்பட்டுள்ளது.

அதில் இந்தியாவில் இருந்து இடம்பிடித்த ஒரே நகரம் ஹைதராபாத் தான். தெலுங்கானா மாநிலத்தின் தலைநகராக இருக்கும் ஹைதராபாத் உலகிலேயே அசுத்தமான நகரங்களின் பட்டியலில் 18 வது இடத்தை பிடித்துள்ளதாக ரேடிக்கல் ஸ்டோரேஜ் தெரிவித்துள்ளது. மொத்தம் டாப் 20 நகரங்களின் பட்டியலில் கீழிருந்து 3வது இடத்தில் ஹைதராபாத் உள்ளது.

அதேபோல், இந்த பட்டியலில் முதலிடத்தில் ஹங்கேரி நாட்டின் தலைநகர் புடாபஸ்ட், 2வது இடத்தில் இத்தாலி தலைநகர் ரோம், 3வது இடத்தில் அமெரிக்காவின் லாஸ் வேகஸ், 4வது இடத்தில் இத்தாலியின் புரோரன்ஸ் உள்ளது.

5வது இடத்தில் பிரான்ஸ் தலைநகர் பாரீஸ், 6வது இடத்தில் இத்தாலியின் மிலன் நகர், 7 வது இடத்தில் இத்தாலியின் வெரோனா, 8 வது இடத்தில் ஜெர்மனியின் ஃப்ரங்ஃப்ட், 9 வது இடத்தில் பெல்ஜியம் தலைநகர் புராசெல்ஸ், 10 வது இடத்தில் எகிப்து தலைநகர் கைரோ உள்ளிட்ட நகரங்கள் உள்ளன.இந்த நகரை ஒப்பிடும்போது ஹைதராபாத் 18 வது இடத்தில் இருந்தாலும் கூட லிஸ்ட் அசுத்தமான நகரங்களை மதிப்பீடு செய்வதாக உள்ளது. இதனால் இந்த லிஸ்ட்டில் ஹைதராபாத் இடம்பிடித்து இருப்பதே மோசமானதாகும்.

அதேபோல் இந்த சர்வேயில் மிகவும் சுத்தமான நகரங்களும் அடையாளம் காணப்பட்டுள்ளன. அதில் முதலிடத்தில் போலந்து நாட்டின் கிராக்வோக் உள்ளது. அதன்பிறகு 2வது இடத்தில் ஐக்கிய அரபு எமிரேட்சின் ஷார்ஜா, 3வது இடத்தில் சிங்கப்பூர், 4வது இடத்தில் போலந்து தலைநகர் வார்ஷா மற்றும் 5வது இடத்தில் கத்தார் தலைநகர் தோஹோ ஆகியவை உள்ளன என்பது குறிப்பிடத்தக்கது.

English summary

Hyderabad is ranked 18th in the list of the most polluted cities in the world. Hyderabad is the only Indian city to feature in this list. Here are the names of the cities in the top 5. This is the only Indian city on the list. Based on traveler reviews of cleanliness, hygiene, and pollution at tourist spots, the ranking highlights a gap between official efforts and public experience.