ஐபிஎல் பைனல் போட்டி பக்காவாக பிக்சிங் செய்யப்பட்டது.. 'ஆதாரங்களை' அடுக்கும் நெட்டிசன்கள்!

Published: Monday, May 13, 2019, 10:55 [IST]

Subscribe to Oneindia Tamil

தோனி விக்கெட்

நான்காவது விக்கெட்டுக்கு, வாட்சனுடன், அணித் தலைவர் தோனி ஜோடி சேர்ந்தார். ஆட்டம் எந்த திசையில் சென்றாலும், அதை தனது அணிக்காக, திருப்ப கூடிய திறமை பெற்றவர் தோனி என்பதால், அவர் களத்தில் நிற்கும் ஒவ்வொரு நிமிடமும் எதிரணிக்கு ஆபத்து என்பதை ரசிகர்கள் உணர்ந்து கரகோசம் எழுப்பியபடி இருந்தனர். மைதானமே தோனி.. தோனி என உணர்ச்சி பெருக்குடன் கோஷமிட்டுக் கொண்டிருந்தது. தோனியும், ஒரு பெரிய இன்னிங்ஸ் ஆடுவதற்கான முன்னெச்சரிக்கையோடு முதல் சில பந்துகளை சந்தித்தார். ஆனால், தோனி, 2 ரன்கள் எடுத்து இருந்தபோது ஓவர் த்ரோவை பயன்படுத்தி 2 ரன்கள் ஓட முற்பட்டார். அப்போது, லாங் ஆப் திசையில் பந்தை பிடித்த இளம் வீரர் இஷான் கிஷன், சரியாக குறி வைத்து, நேராக ஸ்டம்ப்பில் எறிந்தார்.

கிரிக்கெட் விதிமுறை

இதையடுத்து 3வது நடுவருக்கு அப்பீல் சென்றது. 3வது நடுவர் ரீப்ளே செய்து பார்த்தபோது, தோனி கிரீசில் பேட்டை வைத்த தருணமும், பந்து ஸ்டெம்பில் பட்ட தருணமும் ஒன்றாக இருந்தது. ஆனால், அகல ஆங்கிளில் பார்த்தபோது, கிரீசின் நுனி பகுதியை தோனி பேட் தொட்டபோது, ஸ்டெம்பில் பந்து பட்டது தெரியவந்தது. நீண்ட யோசனைக்கு பிறகு 3வது நடுவர், தோனிக்கு அவுட் கொடுத்தார். ஆனால், சந்தேகம் இருந்தால், அதன் பலன் பேட்ஸ்மேனுக்குத்தான் போக வேண்டும் என்பதே கிரிக்கெட் விதிமுறை. இதை மீறி, தோனிக்கு நடுவர் அவுட் கொடுத்தது சர்ச்சையை ஏற்படுத்தியுள்ளது. இதுபற்றி நெட்டிசன்கள் என்ன சொல்கிறார்கள் பாருங்கள்.

Again bad decision for run out in @IPL third umpire waits for money to be credited in his account before giving @msdhoni out.
This is not @IPL . This is league between money (@mipaltan ) and best and in the end money wins over best.
Always a @msdhoni @ChennaiIPL fan.
— Vikas Sharma (@VikasLogic) May 12, 2019

பணத்துக்காக காத்திருப்பு

3வது நடுவர் பணத்தை எதிர்பார்த்து காத்திருந்துவிட்டு, அது கிடைத்ததும், தோனிக்கு அவுட் கொடுத்துள்ளார். இது ஐபிஎல் அல்ல. பணம் மற்றும் திறமைக்கு நடுவேயான லீக் போட்டி. இறுதியில் பணம் வென்றது. எப்போதுமே, தோனி மற்றும் சென்னை ரசிகர்தான் நான். இவ்வாறு சொல்கிறார் இந்த நெட்டிசன்.

#IPL2019Final #MIvCSK is 110%fixed.I feel sorry for the stupid people debating @msdhoni 's run out. @ShaneRWatson33 threw away his wicket in the end, and @imShard sent instead of @harbhajan_singh ,who is a better batsman. What a waste of 5 hours 😤😫 #CSKvMI #MumbaiIndians
— Murtaza Telya (@Mt_Stocks88) May 12, 2019

மேட்ச் பிக்சிங்

ஐபிஎல் பைனல் 110 சதவீதம் ஃபிக்ஸ் செய்யப்பட்டது. தோனி ரன்அவுட்டை பெரிதாக பேசுவோரை நினைத்து வருத்தப்படுகிறேன். ஷேன் வாட்சன் வேண்டுமென்றே ரன்அவுட்டானார். ஹர்பஜன்சிங் நன்கு பேட் செய்யக்கூடியவர். ஆனால் அவருக்கு பதிலாக கடைசி ஓவரில் தாக்கூர் பேட் செய்ய அனுப்பப்பட்டார். 5 மணி நேரம் வீணாகிவிட்டது. இவ்வாறு அவர் தெரிவித்தார்.

#IPL2019Final #MIvCSK
DHONI run-out which was not a run-out even commentators were also saying
Congratulations #ambani family for buying another trophy... 😊
You play hard #csk ♥️
But Mukesh ambani play (pay) harder@ChennaiIPL ♥️ @msdhoni ♥️ pic.twitter.com/P0a2DC6FDP
— Hanish singh (@hanishsingh276) May 12, 2019

கப்பை வாங்கிட்டீங்களே

தோனியுடையது ரன்அவுட்டே இல்லை. இதை டிவி வர்ணணையாளர்கள் கூட தெரிவித்தனர். மற்றொரு கோப்பையை வாங்கியதற்காக அம்பானி குடும்பத்திற்கு வாழ்த்துக்கள். சிஎஸ்கே சிறப்பாக விளையாடியது. முகேஷ் அம்பானி சிறப்பாக கொடுத்தார். இவ்வாறு சொல்கிறார் இந்த நெட்டிசன்.

I love how passionate some fans are about our sport. I have huge respect for MS but how anyone could see the below photo and say it’s not out truly astounds me 😂 pic.twitter.com/Mg9fe5h9I9
— Jimmy Neesham (@JimmyNeesh) May 13, 2019

சரிதாம்ப்பா

அதேநேரம், கேமரா கோணத்தை 3வது நடுவர் மாற்றி பார்த்தபோது, அவுட் என தெரியவந்தது என்று கூறும் நெட்டிசன்களும் உள்ளனர். அவர்கள் இந்த புகைப்படத்தை குறிப்பிட்டு, அது அவுட்தான் என சொல்கிறார்கள்.

Published On May 13, 2019