சென்னை, பெங்களூர் ஏர்போர்ட்கள் நிலைமை இப்படியா ஆகனும்?

டெல்லி: சென்னை மற்றும் பெங்களூர் விமான நிலையங்கள் ஒரு விஷயத்தில் பின்தங்கிதான் உள்ளன என்பதை ஒப்புக்கொள்ளத்தான் வேண்டியுள்ளது.

மத்திய அரசின் சுற்றுலாத்துறை அமைச்சகம் இன்று ஒரு ஆய்வறிக்கையை வெளியிட்டுள்ளது. அந்த அறிக்கையில், வெளிநாட்டு சுற்றுலா பயணிகள் வருகை குறித்த தகவல் இடம் பெற்றுள்ளது.

கடந்த ஆண்டு நவம்பர் மாதம் வரையிலான நிலவரத்தை ஒப்பிட்டால் இவ்வாண்டில் வெளிநாட்டு சுற்றுலா பயணிகள் வருகை 14.4% வளர்ச்சியடைந்துள்ளதாக அதில் குறிப்பிடப்பட்டுள்ளது.

சுற்றுலா பயணிகள்

இதே காலகட்டத்தில், இ-டூரிஸ்ட் விசா திட்டத்தின்கீழ் வரும் வெளிநாட்டு சுற்றுலா பயணிகள் எண்ணிக்கை 56.2% அதிகரித்துள்ளது. இக்காலகட்டத்தில், வெளிநாட்டு சுற்றுலா பயணிகள் வருகை 10.05 லட்சமாக உள்ளது. கடந்த ஆண்டு நவம்பர் வரை இது 8.78 லட்சமாக இருந்தது. 2015ல் இக்காலகட்டத்தில் சுற்றுலா பயணிகள் வருகை 8.16 லட்சமாக இருந்தது.

வங்தேசம் அதிகம்

நடப்பாண்டில் இந்தியாவுக்கு வந்த வெளிநாட்டவர்களில் அதிகம் பேர் வங்கதேசத்தை சேர்ந்தவர்கள். 16.77% பேர் வங்கதேசத்திலிருந்து வந்துள்ளனர். 2வது இடம் அமெரிக்காவுக்கு. 14.77% பேர் வந்துள்ளனர். ஐரோப்பிய யூனியனில் இருந்து 9.93% பேர் வந்துள்ளனர். ரஷ்யாவிலிருந்து 4.41%, கனடாவிலிருந்து 4.39%, ஆஸ்திரேலியாவிலிருந்து 3.96%, மலேசியாவிலிருந்து 3.50% பேர் வந்துள்ளனர்.

இலங்கை, சிங்கப்பூர்

ஜெர்மனியிலிருந்து 2.90% பேரும், பிரான்சிலிருந்து 2.51%, இலங்கையிலிருந்து 2.32%, சீனாவிலிருந்து 2.26%, சிங்கப்பூரிலிருந்து 2.04%, ஜப்பானிலிருந்து 2.03% மக்கள் இந்தியாவுக்கு சுற்றுலாவுக்கு வந்துள்ளனர்.

சென்னை, பெங்களூர்

இதில் டெல்லி ஏர்போர்ட்டுக்குதான் பெரும்பாலான சுற்றுலா பயணிகள் வந்திறங்குகிறார்கள். 29.76% பேர் தலைநகருக்கு முதலில் சென்றுள்ளனர். 2வது இடம் மும்பை விமான நிலையத்திற்கு. அங்கு 17.20% பேர் சென்றுள்ளனர். 3வது இடம் ஹரிதாஸ்பூர் லேன்ட் செக் போஸ்ட் (இந்தியா-வங்கதேசம் நடுவேயுள்ளது) 8.40 சதவீதம் வெளிநாட்டு சுற்றுலா பயணிகளை ஈர்த்துள்ளது. ஆனால் சென்னை விமான நிலையம் வந்தோர் எண்ணிக்கை 5.78% என்ற அளவில்தான் உள்ளது. அண்டையிலுள்ள மற்றொரு தென் மாநில பெருநகரமான பெங்களூருக்கு 5.44% பேர் வந்துள்ளனர். இரு நகரங்களும் ஏறத்தாழ இந்த விஷயத்தில் ஒரே மாதிரி உள்ளன.

திருச்சி, கொச்சி

கோவா விமான நிலையத்திற்கு 5.37% பேரும், கொல்கத்தாவுக்கு 4.62% பேரும், ஹைதராபாத்திற்கு 3.02% சுற்றுலா பயணிகளும், கொச்சிக்கு 2.88% சுற்றுலா பயணிகளும் செல்கிறார்கள். திருச்சி விமான நிலையத்திற்கு 1.46% வெளிநாட்டு பயணிகள் வந்துள்ளனர். திருவனந்தபுரத்திற்கு 1.28% சுற்றுலா பயணிகள் வருகை தந்துள்ளனர்.

English summary

The percentage share of Foreign Tourist Arrivals (FTAs) in India during November 2017 among the top 15 ports was highest at Delhi Airport (29.76%) followed by Mumbai Airport (17.20%), Haridaspur Land Check Post (8.40%), Chennai Airport (5.78%), Bengaluru Airport (5.44%).