ஜம்மு காஷ்மீர்: 7 சட்டசபை தேர்தல்களை விட அதிகம்.. முதல் கட்டத்தில் 61.11% வாக்குகள் பதிவு!

ஶ்ரீநகர்: ஜம்மு காஷ்மீர் சட்டசபை தேர்தல் முதல் கட்டத்தில் 61.11% வாக்குகள் பதிவானதாக இந்தியத் தேர்தல் ஆணையம் தெரிவித்துள்ளது. ஜம்மு காஷ்மீரின் கிஷ்ட்வாரில் அதிகபட்சமாக 80.14%; குறைந்தபட்சமாக புல்வாமாவில் 46.65% வாக்குகள் பதிவானதாக இந்தியத் தேர்தல் ஆணையம் தெரிவித்துள்ளது.

ஜம்மு காஷ்மீர் யூனியன் பிரதேச சட்டசபை தேர்தலில் முதல் கட்ட வாக்குப் பதிவு நேற்று 24 தொகுதிகளில் நடைபெற்றது. 7 மாவட்டங்களின் 24 தொகுதிகளில் அமைதியான முறையில் வாக்குப் பதிவு நடந்தது.

ஜம்மு காஷ்மீர் முதல் கட்ட தேர்தலில் காலை முதலே வாக்காளர்கள் மிக நீண்ட வரிசைகளில் நின்று வாக்களித்தனர். 2014-ம் ஆண்டுக்குப் பிறகு, 10 ஆண்டுகளுக்குப் பின் நடைபெற்ற முதல் தேர்தல் என்பதால் வாக்காளர்கள் வாக்களிக்க மிகவும் ஆர்வம் காட்டினர். முதல் கட்ட தேர்தலில் 219 பேர் போட்டியிட்டனர். சுமார் 23 லட்சம் பேர் வாக்காளர்கள்.

ஜம்மு காஷ்மீர் முதல் கட்ட தேர்தல் வாக்குப் பதிவு (இரவு 11.30 மணி நிலவரம்-
மாவட்டங்கள் வாரியாக...

- அனந்தாக் 57.84%

- தோடா 71.34%

- கிஷ்ட்வார் 80.14%

- குல்காம் 62.46%

- புல்வாமா 46.65%

- ரம்பான் 70.55%

கிஷ்ட்வார் மாவட்டத்தில்தான் மிக அதிகபட்சமாக 80.14% வாக்குகளும் குறைந்தபட்சமாக புல்வாமாவில் 46.65% வாக்குகளும் பதிவாகி உள்ளன.
ஷோபியான் 2 55.96.

ஜம்மு காஷ்மீரில் 2-வது கட்ட தேர்தல் செப்டம்பர் 25-ந் தேதியும் 3-வது கட்ட தேர்தல் அக்டோபர் 1-ந் தேதியும் நடைபெறும். அக்டோபர் 8-ந் தேதி வாக்கு எண்ணிக்கை நடைபெறும்.

ஜம்மு காஷ்மீர் மாநிலமானது 2019-ம் ஆண்டு 2 யூனியன் பிரதேசங்களாகப் பிரிக்கப்பட்டன. ஜம்மு காஷ்மீர் யூனியன் பிரதேசம், லடாக் யூனியன் பிரதேசம் என பிரிக்கப்பட்டது. இதில் ஜம்மு காஷ்மீருக்கு மட்டும் சட்டசபை உண்டு. லடாக் யூனியன் பிரதேசத்துக்கு சட்டசபை இல்லை.

ஜம்மு காஷ்மீர் ஒருங்கிணைந்த மாநிலமாக இருந்த போது சட்டசபையின் பதவிக் காலம் 6 ஆண்டுகள். ஆனால் 2019-ம் ஆண்டு யூனியன் பிரதேசமாக்கப்பட்ட போது சட்டசபையின் பதவிக் காலம் 5 ஆண்டுகள்.

2019-ம் ஆண்டு ஜம்மு காஷ்மீர் மாநிலத்துக்கு சிறப்பு அந்தஸ்து வழங்கிய அரசியல் சாசனத்தின் 370-வது பிரிவு ரத்து செய்யபட்டது. மத்திய பாஜக அரசின் இந்த நடவடிக்கைக்குப் பின்னர் ஜம்மு காஷ்மீரில் அரசியல் நடவடிக்கைகள் முடங்கி இருந்தன. உச்சநீதிமன்றத்தின் உத்தரவில் தற்போது ஜம்மு காஷ்மீரில் தேர்தல் நடைபெற்று வருகிறது.

English summary

Jammu and Kashmir Election Polling (ஜம்மு காஷ்மீர் சட்டசபை தேர்தல் வாக்குப்பதிவு) LIVE News Updates in Tamil : Stay updated with the latest news and highlights from Phase 1 of Jammu Kashmir Assembly Election 2024 in Tamil Language. Get live updates, key moments, and comprehensive coverage of the election at Oneindia Tamil. ஜம்மு காஷ்மீர்: 7 சட்டசபை தேர்தல்களை விட அதிகம்.. முதல் கட்டத்தில் 61.11% வாக்குகள் பதிவு! 61.11% voter turnout in First phase of Jammu and Kashmir Assembly Election.