டெல்லி முதல்வராக கெஜ்ரிவால்.. 32% பேர் ஆதரவளிப்பதாக சொல்கிறது கருத்து கணிப்பு

டெல்லி: டெல்லி முதல்வராக ஆம் ஆத்மி கட்சித் தலைவர் அர்விந்த் கெஜ்ரிவாலுக்கு 32% பேர்ஆதரவளித்துள்ளதாக ஏசி நீல்சன் கருத்துக் கணிப்பில் தெரிவிக்கப்பட்டுள்ளது.

டெல்லி சட்டசபை தேர்தல் தொடர்பாக ஏசி நீல்சன் கருத்துக் கணிப்பு நடத்தியது. 70 தொகுதிகளைக் கொண்ட டெல்லி சட்டசபையில் கெஜ்ரிவாலின் ஆம் ஆத்மி கட்சியும் போட்டியிடுகிறது.

கடந்த ஆகஸ்ட் மாதம் நடத்தப்பட்ட கருத்துக் கணிப்பில் ஆம் ஆத்மி கட்சிக்கு 8 இடங்களே கிடைக்கும் என்று கூறப்பட்டிருந்தது.

26% வாக்கு

ஆனால் தற்போது தேர்தல் நடந்தால் கெஜ்ரிவால் கட்சிக்கு சுமார் 26% அதாவது 18 இடங்கள் கிடைக்கும் என்று தெரிவிக்கப்பட்டுள்ளது.

கெஜ்ரிவால் முதல்வராக ஆதரவு

இதேபோல் அர்விந்த் கெஜ்ரிவால் முதல்வராக 32% பேர்ஆதரவு தெரிவித்துள்ளனர்.

ஷீலாவுக்கு குறைவு

தற்போதைய முதல்வர் ஷீலா தீட்சித்துக்கு 27% பேர் தான் ஆதரவு தெரிவித்துள்ளனர். இதேபோல் பாஜகவின் முதல்வர் வேட்பாளர் விஜய்கோயலுக்குமே கெஜ்ரிவாலைவிட குறைவான ஆதரவே இருக்கிறது.

பாஜகவுக்கு 28

பாரதிய ஜனதா ல்கட்சி 34% வாக்குகளுடன் அதாவது 28 இடங்களைப் பெறும். காங்கிரஸ் கட்சிக்கு 27% அதாவது 22 இடங்கள்தான் கிடைக்குமாம்.

English summary

Arvind Kejriwal’s Aam Aadmi Party (AAP) is likely to gain against both the Congress and the Bharatiya Janata Party in the upcoming Delhi Assembly polls, an opinion poll conducted by ABP News and Nielsen has said. The scores had improved for Arvind Kejriwal as a leading candidate for the chief minister’s post from 24 per cent in August to 32 per cent in October.