ஓடும் பைக்கில் “லிப்-லாக்”.. ஜெய்ப்பூரே “ஜெர்க்” ஆகிருச்சு - இளம் ஜோடிக்கு எதிராக போலீஸ் ஆக்சன்

ஜெய்ப்பூர்: ராஜஸ்தானில் ஓடும் பைக்கில் முத்தமிட்டபடி சென்று கொண்டிருந்த இளம் ஜோடியின் வீடியோ வெளியாகி பரபரப்பை ஏற்படுத்திய நிலையில் அவர்கள் மீது காவல் துறை நடவடிக்கை எடுத்து இருக்கிறது.

கடந்த சில நாட்களாக சமூக வலைதளங்களில் ஒரு வீடியோ அதிகளவில் பகிரப்பட்டு வந்தது. அதில் இருசக்கர வாகனம் ஓட்டிச் செல்லும் ஆணும், அவருக்கு பின்னால் அமர்ந்து இருக்கும் பெண்ணும் உதட்டோடு உதடு வைத்து முத்தமிட்டுக் கொண்டே செல்கிறார்கள்.

பரபரப்பாக வாகனங்கள் சென்று கொண்டிருக்கும் முக்கிய சாலை ஒன்றில் ஜோடி இவ்வாறு நடந்துகொண்டது பெரும் சர்ச்சைக்கு உள்ளானது. சாலையையும் மற்ற வாகனங்களையும் பார்க்காமல் பட்டப் பகலில் அனைவர் மத்தியில் இந்த தம்பதி முத்தமிட்டுக் கொண்டு பைக் ஓட்டிச் சென்றது விபத்துக்கு வழிவகுக்கும் என்று பலர் கருத்திட்டு வந்தார்கள்.

அதில் இருவருமே ஹெல்மெட் அணியவில்லை. இதனை அவர்களுக்கு பின்னால் வாகனத்தில் வந்த யாரோ வீடியோவாக பதிவு செய்து சமூக வலைதளங்களில் பரவ விட்டு இருக்கிறார்கள். அது காட்டுத் தீ போன்று ராஜஸ்தான் மட்டுமின்றி நாடு முழுவதும் அதிகளவில் பகிரப்பட்டது. இந்த ஜோடி மீது சட்டப்படி நடவடிக்கை எடுக்க வேண்டும் என பலர் வலியுறுத்தினர்.

இது தொடர்பாக ஜெய்பூர் போக்குவரத்து காவல்துறைக்கு தகவல் கிடைத்ததை அடுத்து இந்த தம்பதி மீது சட்டப்படி நடவடிக்கை எடுக்க உத்தரவிட்டனர். அதன் அடிப்படையில் மோட்டார் வாகன சட்டப்படி அவர்கள் மீது நடவடிக்கை எடுக்கப்பட்டு இருக்கிறது.

இதுகுறித்து ஜெய்பூர் போக்குவரத்து காவல்துறை அதிகாரி ஒருவர் தெரிவிக்கையில், "போக்குவரத்து விதிகளை மீறி ஒருவர் சாலையில் பைக் ஓட்டிச் செல்வதும், வேறு சில செயல்களில் ஈடுபட்டதும் சமூக வலைதளம் மூலம் தெரியவந்தது. அவரது பைக் எண்ணின் அடிப்படையில் உரிமையாளரின் பெயர் மற்றும் முகவரி கிடைத்து உள்ளது. மோட்டார் வாகன சட்டம் எண் 1988 இன் கீழ் அவர் மீது சட்டப்படி நடவடிக்கை எடுக்கப்படும்." என்றார்.

இதேபோல் இதற்கு முன்பாக ஹோலி பண்டிகையின்போது ராயல் என்பீல்டு பைக்கில் சென்ற ஆணை பெண் ஒருவர் முன்பக்கம் அமர்ந்து கட்டி அணைத்தபடி சென்று கொண்டு இருந்தார். அந்த வீடியோவும் இதேபோல் வெளியாகி பரபரப்பை ஏற்படுத்தியதை அடுத்து போலீஸ் அவர்கள் மீது நடவடிக்கை எடுத்தது.

English summary

The police department is taking action against the young couple who were kissing on a running bike in Rajasthan after the video was released and caused a stir.