ராகுலைச் சந்தித்து வாழ்த்து பெற்றார் நடிகை குஷ்பூ!

Published: Thursday, November 27, 2014, 17:09 [IST]

Subscribe to Oneindia Tamil

டெல்லி: டெல்லியில், காங்கிரஸ் கட்சி துணைத் தலைவர் ராகுல் காந்தியை சந்தித்து வாழ்த்து பெற்றார் நடிகை குஷ்பு.

கடந்த சில மாதங்களுக்கு முன்னர் திமுகவில் இருந்து வெளியேறிய நடிகை குஷ்பு, தொடர்ந்து படத் தயாரிப்பில் ஈடுபடப் போவதாக தெரிவித்திருந்தார். இந்நிலையில், நேற்று டெல்லியில் காங்கிரஸ் கட்சித் தலைவர் சோனியாகாந்தியைச் சந்தித்த குஷ்பு, அவர் முன்னிலையில் அக்கட்சியில் இணைந்தார்.

அதன் தொடர்ச்சியாக இன்று காங்கிரஸ் கட்சித் துணைத் தலைவர் ராகுல்காந்தியை சந்தித்தார் குஷ்பு. அப்போது ராகுலுக்கு பூங்கொத்து அளித்து அவர் வாழ்த்து பெற்றார்.

இந்த சந்திப்பின்போது, தமிழ்நாடு காங்கிரஸ் கமிட்டி தலைவர் ஈ.வி.கே.எஸ். இளங்கோவன் மற்றும் முன்னாள் தேசிய ஊடக ஒருங்கிணைப்பாளர் எஸ்.வி.ரமணி ஆகியோர் உடன் இருந்தனர்.

Published On November 27, 2014