கன்னடத்திலிருந்து ஒரு வைரல் பாடல்.. நெட்டில் தீயாய் பரவும் "அல்லாஹ் யா அல்லாஹ்"!

பெங்களூர்: கன்னட படத்தில் சரண் என்ற நடிகர் பாடி ஆடும் அல்லாஹ் யா அல்லாஹ் என்ற வீடியோ இணையதளத்தில் வெளியாகி வைரலாகியுள்ளது.

பவன் வாடியார் எழுதி இயக்கியுள்ள கன்னட படம் நடராஜா சர்வீஸ். தமிழ் படமான கல்கி புகழ் நடிகை ஸ்ருதியின் சகோதரர் சரண் இந்த படத்தில் ஹீரோவாக நடித்துள்ளார். விரைவில் ரிலீஸாகும் இந்த படத்தில் மயூரி ஹீரோயினாக நடித்துள்ளார்.

இந்நிலையில் படத்தில் சரண் வயதான முஸ்லீமாக வேடம் போட்டு அல்லாஹ் யா அல்லாஹ் என பாடி ஆடும் வீடியோ யூடியூபில் வெளியிடப்பட்டது. கன்னட பட வீடியோ தானே என்று நினைக்க வேண்டாம்.

அந்த வீடியோவை இதுவரை 4. 5 லட்சம் பேர் பார்த்து ரசித்துள்ளனர். அனூப் சீலின் இசையில் அந்த பாடல் ரசிக்கும்படி உள்ளது. நடனமும் இசைக்கு ஏற்றவாறு இருக்கிறது. அந்த வீடியோ தான் இணையதளங்களில் வைரலாகி உள்ளது.

நீங்களும் வீடியோவை பார்த்துவிட்டு சொல்லுங்கள்.

English summary

A video of Kannada actor Sharan singing Allah Ya Allah has gone viral on internet.