இந்தியாவிலும், அமெரிக்காவிலும் மட்டுமே சாமானியர்கள் பிரதமராக முடியும்... சக் ஹேகல் பாராட்டு

Published: Sunday, August 10, 2014, 10:08 [IST]

Subscribe to Oneindia Tamil

டெல்லி: உலக நாடுகளிலேயே சாமானியர்கள் பிரதமராகும் வாய்ப்பு இந்தியா மற்றும் அமெரிக்கா ஆகிய இரண்டு ஜனநாயக நாடுகளில் மட்டுமே உள்ளதாக பாராட்டியுள்ளார் அமெரிக்க பாதுகாப்புத் துறை அமைச்சர் சக் ஹேகல்.

இருநாட்டு ராஜாங்க உறவை வலுப்படுத்தும் விதமாக இந்தியா வந்துள்ளார் அமெரிக்க பாதுகாப்புத் துறை அமைச்சர் சக் ஹேகல். பிரதமர் நரேந்திர மோடியை சந்தித்ததைத் தொடர்ந்து சிந்தனையாளர் அமைப்பின் வெள்ளி விழா நிகழ்ச்சியில் கலந்து கொண்டார்.

அந்த விழாவில், இந்தியாவிற்கும் அமெரிக்காவுக்கும் உள்ள ஒற்றுமைகள் குறித்து அவர் பேசினார். அப்போது அவர் கூறியதாவது:-

ஜனநாயக நாடு...

உலகில் இந்தியா மற்றும் அமெரிக்கா ஆகிய இரண்டு ஜனநாயக நாடுகளில் மட்டுமே சாமானியர்கள் கூட பிரதமராகும் வாய்ப்புகள் உள்ளது.

அமெரிக்காவைப் போல...

அமெரிக்காவில் எப்படி கென்யா வம்சாவளியை சேர்ந்த ஒருவர் (ஒபாமா) பிரதமராக முடிந்ததோ அதுபோல இங்கு டீ விற்பவரின் மகன் கூட பிரதமராக (மோடி) வர முடிந்திருக்கிறது'' எனத் தெரிவித்தார்.

பாதுகாப்பு ஒத்துழைப்புக் கூட்டு திட்டம்...

மேலும், பாதுகாப்பு ஒத்துழைப்பு கூட்டு திட்டத்தில் ஜப்பான் உட்பட இந்தியாவும் அமெரிக்காவுடன் ராணுவ உறவுகளை விரிவுபடுத்திக் கொள்ள வேண்டும் என அவர் வலியுறுத்தினார்.

டீ விற்றார்...

பிரதமர் மோடி அரசியலுக்கு வரும் முன் குஜராத்தில் அவரது தந்தை நடத்தி வந்த சிறிய டீ ஸ்டாலில் அவருக்கு உதவியாகவும், பின்னாளில் தனியாகவும் டீ விற்று வந்தார் என்பது குறிப்பிடத்தக்கது.

Published On August 10, 2014