அப்துல் கலாம் உடல்நிலையில் முன்னேற்றம்!

டெல்லி: குடியரசு முன்னாள் தலைவர் அப்துல் கலாமின் உடல்நிலையில் நல்ல முன்னேற்றம் ஏற்பட்டுள்ளதாக மருத்துவமனை வட்டாரங்கள் தெரிவித்துள்ளன.

டெல்லி ராஜாஜி மார்க்கில் உள்ள தன் வீட்டில் கடந்த வெள்ளிக்கிழமை திடீரென மயங்கி விழுந்ததில் காயமடைந்தார் குடியரசு முன்னாள் தலைவர் அப்துல் கலாம்.

இதையடுத்து அவர் டெல்லி ராணுவ மருத்துவமனையில் அனுமதிக்கப்பட்டார்.

மயக்கமடைந்து கீழே விழந்ததில் நெற்றிப் பகுதியில் ஏற்பட்ட லேசான காயத்துக்கு சிகிச்சை அளிக்கப்பட்டு வருகிறது.

பூரண குணமடையும் நிலையில் உள்ள அவர் ஓரிரு நாள்களில் வீட்டுக்கு அனுப்பிவைக்கப்படுவார் என்று மருத்துவமனை வட்டாரங்கள் தெரிவித்தன.

English summary

Admitted to a hospital here after a fall at his home, former president APJ Abdul Kalam is stable and recuperating well, hospital sources said on Monday.