பெங்களூரில் 17 நாட்களில் 240 மி.மீ. மழை: குளிரில் வெடவெடவென நடுங்கும் மக்கள்
பெங்களூர்: பெங்களூரில் கடந்த 17 நாட்களில் 240 மி.மீ. மழை பெய்துள்ளது.
பெங்களூரில் நவம்பர் மாதம் துவங்கியதில் இருந்து மழை பெய்து வருகிறது. கடந்த 17 நாட்களில் 240 மி.மீ. மழை பெய்துள்ளது. கடந்த ஆண்டு நவம்பர் மாதம் பெங்களூரில் 252 மி.மீ. மழை பெய்தது. இந்த ஆண்டு அதை விட அதிக மழை பெய்யும் என்று எதிர்பார்க்கப்படுகிறது.
இது குறித்து வானிலை ஆய்வு மைய அதிகாரி ஒருவர் கூறுகையில்,
கடந்த ஆண்டு அக்டோபர் முதல் டிசம்பர் வரையிலான காலகட்டத்தில் பெங்களூரில் 278.2 மி.மீ. மழை பெய்தது. இந்த ஆண்டு அதே காலகட்டத்தில் அதிக மழை பெய்துள்ளது. நவம்பர் மாதத்தில் சராசரியாக 54.1 மி.மீ. மழை பெய்யும். ஆனால் இந்த ஆண்டு நவம்பர் மாதம் பிறந்து 17 நாட்களில் 240 மி.மீ. மழை பெய்துள்ளது.
பெங்களூரில் ஒரு வாரத்திற்கும் மேலாக வானம் மேகமூட்டமாகவே உள்ளது. மேலும் தினமும் மழை தூறிக் கொண்டே இருப்பதால் அதிக குளிராக உள்ளது. வெப்ப நிலை 6 டிகிரி செல்சியஸாக குறைந்திருக்கிறது.
வங்கக் கடலில் உருவான குறைந்த காற்றழுத்த தாழ்வு நிலை காரணமாக மழை பெய்கிறது. அடுத்த 2 நாட்களுக்கு மழை பெய்யக்கூடும் என்றார்.
Click it and Unblock the Notifications
Sign in with Google