ரூ.85.3 கோடிக்கு ஏலத்தில் வரும் விஜய் மல்லையாவின் கோவா வில்லா!

பனாஜி: தொழில் அதிபர் விஜய் மல்லையாவின் கோவா சொகுசு மாளிகையை ஏலத்தில் விடுகிறது ஸ்டேட் பேங்க் ஆப் இந்தியா. குறைந்தபட்ச ஏலத்தொகையாக ரூ. 85 கோடியே 30 லட்சம் நிர்ணயிக்கப்பட்டுள்ளது.

தொழில் அதிபர் விஜய் மல்லையா பல்வேறு வங்கிகளில் ரூ.9 ஆயிரம் கோடி கடன் வாங்கி அதை திருப்பிக் கொடுக்காமல் லண்டனுக்கு தப்பியோடிவிட்டார். இதையடுத்து ரூ. 8 ஆயிரத்து 41 கோடி மதிப்புள்ள மல்லையாவின் சொத்துகளை அமலாக்கத்துறை பறிமுதல் செய்துள்ளது.

இந்நிலையில் கோவாவில் உள்ள அவரது சொகுசு பங்களாவை ஏலத்தில் விடுகிறது ஸ்டேட் பேங்க் ஆப் இந்தியா. குறைந்தபட்ச ஏலத்தொகையாக ரூ. 85 கோடியே 30 லட்சம் நிர்ணயிக்கப்பட்டுள்ளது.

வடக்கு கோவாவில் உள்ள கன்டோலிம் பகுதியில் இருக்கும் அந்த சொகுசு மாளிகையில் ஒரு காலத்தில் மல்லையா பார்ட்டிகள் கொடுத்து வந்தார். அந்த மாளிகை வரும் அக்டோபர் மாதம் 19ம் தேதி ஏலத்திற்கு வருகிறது.

மாளிகையை ஏலம் எடுக்க விரும்புபவர்கள் வரும் 26, 27 ஆகிய தேதிகள் மற்றும் அக்டோபர் 5,6 ஆகிய தேதிகளில் நேரில் வந்து பார்க்கலாம் என்று வங்கி அறிவித்துள்ளது.

முன்னதாக மும்பையில் உள்ள மல்லையாவின் கிங்ஃபிஷர் ஹவுஸ் ஏலத்திற்கு வந்தபோது அதை வாங்க ஆள் இல்லை என்பது குறிப்பிடத்தக்கது.

English summary

The 17-lender consortium led by State Bank of India (SBI) has put on sale embattled businessman Vijay Mallya's prime Goa property, the Kingfisher Villa, at a reserve price of Rs 85.29 crore.