பீகாருல அரசு பங்களாவ விசேஷத்துக்கு வாடகைக்கு விட்டு பணம் பாத்தங்களாம் அமைச்சர்கள்

பீஹார் மாநிலத்தில் அமைச்சர்கள் தங்களுக்கு ஒதுக்கிய அரசு பங்களாக்களை விசேஷங்களுக்கு வாடகைக்கு விட்டு பணம் சம்பாதித்தது வெளிச்சத்திற்கு வந்துள்ளது.

பாட்னா : அரசு தரும் சலுகைகள் போதாதென்று பீகார் மாநிலத்தில் அமைச்சர்கள் தங்களுக்கு ஒதுக்கிய வீடுகளை திருமண விசேஷங்களுக்கு வாடகைக்க்கு விட்டு லாபம் பார்ப்பது தெரிய வந்துள்ளது.

ஐக்கிய ஜனதா தளக் கட்சித்தலைவர் நிதிஷ்குமார் தலைமையிலான அரசில் இடம்பெற்றுள்ள அமைச்சர்கள் தங்களது அரசு பங்களாக்களை தனியார் நிகழ்ச்சிகளான திருமணம், பிறந்தநாள் விழா உள்ளிட்டவற்றிற்கு வாடகைக்க விட்டு லாபம் சம்பாதித்துள்ளதாக தனியார் செய்தி சேனல் ஒன்று தனது விசாரணையில் தகவல் திரட்டி செய்தி வெளியிட்டுள்ளது.

சிறுபான்மை நல அமைச்சர் அப்துல் கஃபூரின் பங்களாவை வாடகைக்கு விடுவதற்காக தனியாக ஒரு ஈவென்ட் மேனனேஜர் செயல்படுகிறாராம். அவர் பங்களாவை வாடகைக்கு விடுவத குறித்து கூறுகையில், ஆம் இங்கு ஒரு நாள் நிகழ்ச்சிக்கு இரண்டரை லட்சம் ரூபாய் வாடகையாக வசூலிக்கப்படுகிறது என்கிறார். மற்ற சொகுசு வசதிகளுக்கு கூடுதலாக செலவு செய்தால் அவையும் கிடைக்கும் என்றும் அவர் கூறினாராம்.

இதே போன்று அமைச்சர் சிவ்சந்திர ராமின் பங்களாவும் தனியார் நிகழ்ச்சிகளுக்காக வாடகைக்கு விடப்படுகிறதாம்

இவர்கள் மட்டுமின்றி முதல்வர் நிதிஷின் ஐக்கிய ஜனதா தளக் கட்சி எம்எல்ஏ நரேந்திர சிங்கும் தன்னுடைய பங்களாவை வாடகைக்கு விட்டு பணம் சம்பாதித்து வருகிறாராம். இந்த விவகாரம் குறித்து கேள்வி எழுப்பியுள்ள முன்னாள் துணை முதல்வர் சுஷில் மோடி,அரசு பங்களாக்களில் நடைபெறும் தனியார் நிகழ்ச்சிகள் குறித்து முதல்வர் நிதிஷ் இப்போதாவது வாய் திறப்பாரா என வினவியுள்ளார். அரசு பங்களா வாடகைக்கு விடும் விவகாரம் முதல்வருக்கு தெரியும் என்றாலும், அவர் எந்த நடவடிக்கையும் எடுக்கவில்லை என்றும், அங்கு நடைபெறும் பல நிகழ்ச்சிகளில் முதல்வரே பங்கேற்றிருப்பதாகவும் தெரிவித்துள்ளார்.

அரசு ஊதியம், கார், பங்களா சிறப்பு சலுகைகள் என மக்களின் வரிப்பணத்திலேயே அனைத்தையும் அனுபவிக்கும்அரசியல்வாதிகள் தங்களுக்கு ஒதுக்கப்பட்ட பங்களாக்களை வைத்தும் சம்பாதிக்கத் தொடங்கியுள்ளது அரைசியல்வாதிகளின் பணம் சம்பாதிக்கும் எண்ணத்தை பிரதிபலிப்பதாக பலரும் கருதுகின்றனர்.

English summary

Ministers in Bihar have been caught renting out their official bungalows for a quick buck