ஜம்மு காஷ்மீருக்கு தனி அந்தஸ்து அளிக்கும் 370வது பிரிவை ரத்து செய்வோம்: பாஜக
டெல்லி: ஜம்மு காஷ்மீர் மாநிலத்துக்கு தனி அந்தஸ்து தரும் அரசியல் சாசனத்தின் 370வது பிரிவை ரத்து செய்வோம் என்று பாஜக தேர்தல் அறிக்கையில் கூறப்பட்டுள்ளது.
டெல்லியில் பாரதிய ஜனதா கட்சியின் தேர்தல் அறிக்கை இன்று வெளியிடப்பட்டது. இந்த தேர்தல் அறிக்கையில் ஜம்மு காஷ்மீருக்கு சிறப்பு அந்தஸ்து வழங்கும் அரசியல் சானத்தின் 370வது பிரிவை ரத்து செய்வோம் என்று கூறப்பட்டுள்ளது.
ஜம்மு காஷ்மீர் என்ற தலைப்பில் பாஜக தேர்தல் அறிக்கையில் கூறப்பட்டுள்ளதாவது:
ஜம்மு காஷ்மீர் இந்தியாவின் ஒருங்கிணைந்த பகுதியாக தொடரும். ஜம்மு, காஷ்மீர், லடாக் ஆகிய பிரதேசங்களில் ஒரே சீரான மேம்பாட்டை உருவாக்க நடவடிக்கை மேற்கொள்வோம்.
காஷ்மீர் பண்டிட்டுகளை மீளக் குடியேற்றி அவர்களது முழு பாதுகாப்போடு வாழ வழிவகை செய்வோம். பாகிஸ்தான் ஆக்கிரமிப்பு காஷ்மீரில் இருந்து வந்த அகதிகள் பிரச்சனைகளுக்கு தீர்வு காண்போம்.
அரசியல் சாசனத்தின் 370வது பிரிவு தொடர்பான பாஜக நிலை தொடர்கிறது. அத்துடன் இது குறித்து சம்பந்தப்பட்டோருடன் விவாதித்து அதை ரத்து செய்ய நடவடிக்கை மேற்கொள்வோம்.
இவ்வாறு பாஜக தேர்தல் அறிக்கையில் கூறப்பட்டுள்ளது.
Click it and Unblock the Notifications
Sign in with Google