ட்விட்டரில் ஏக பிரபலமாக இருக்கும் பாஜக, மோடி: திமுகவும் தான்
பெங்களூர்: ட்விட்டரில் பாஜகவும், அதன் பிரதமர் வேட்பாளர் மோடியும் பிரபலமாக உள்ளது தெரிய வந்துள்ளது.
ட்விட்டரில் எந்தெந்த கட்சிகள் மற்றும் எந்தெந்த அரசியல் தலைவர்கள் பிரபலமாக உள்ளனர் என்று ஆய்வு செய்யப்பட்டது.
அதன் முடிவுகளை பார்ப்போம்.
பாஜக, மோடி
ட்விட்டரில் 21 லட்சத்து 16 ஆயிரத்து 562 பேர் பாஜக பற்றி ஏப்ரல் மாதத்தில் பேசியுள்ளனர். ட்விட்டரில் பிரபலமாக உள்ள கட்சி பாஜக தான்.
காங்கிரஸ்
காங்கிரஸ் கட்சியை பற்றி 4 லட்சத்து 79 ஆயிரத்து 477 பேர் ட்விட்டரில் பேசியுள்ளனர். பாஜகவை அடுத்து காங்கிரஸ் தான் பிரபலமாக உள்ளது.
ஆம் ஆத்மி
ஆம் ஆத்மி கட்சியை பற்றி 8 லட்சத்து 5 ஆயிரத்து 92 பேரும், தேசியவாத காங்கிரஸை பற்றி 38 ஆயிரத்து 216 பேரும், பகுஜன் சமாஜ் கட்சியை பற்றி 24 ஆயிரத்து 535 பேரும், திமுகவை பற்றி 15 ஆயிரத்து 575 பேரும் ட்விட்டரில் பேசியுள்ளனர்.
மோடி
பாஜகவின் பிரதமர் வேட்பாளர் நரேந்திர மோடியை பற்றி இந்த மாதத்தில் மட்டும் 15 லட்சத்து 29 ஆயிரத்து 796 பேர் பேசியுள்ளனர். ட்விட்டரில் அதிகம் பேசப்படும் தலைவர் மோடி தான்.
கெஜ்ரிவால்
மோடியை அடுத்து ட்விட்டரில் அதிகம் பேசப்படும் தலைவர் ஆம் ஆத்மி கட்சி தலைவர் அரவிந்த் கெஜ்ரிவால்.
ராகுல், சோனியா
கெஜ்ரிவாலை அடுத்து காங்கிரஸ் துணை தலைவர் ராகுல் காந்தி மற்றும் காங்கிரஸ் தலைவர் சோனியா காந்தி ஆகியோரைப் பற்றி மக்கள் ட்விட்டரில் அதிகம் பேசுகிறார்கள்.
மன்மோகன்
சோனியாவை அடுத்து பாஜக தலைவர் ராஜ்நாத் சிங், பிரதமர் மன்மோகன் சிங், காங்கிரஸின் சசி தரூர், தேசியவாத காங்கிரஸ் தலைவர் சரத் பவார், ஆம் ஆத்மி கட்சியின் யோகேந்திர யாதவ், பாஜகவின் அருண் ஜேட்லி பற்றி மக்கள் ட்விட்டரில் அதிகம் விவாதிக்கிறார்கள்.
Click it and Unblock the Notifications
Sign in with Google