ஆர்எஸ்எஸ் நிர்வாகிகளுடன் பாஜக தலைவர் அமித் ஷா ஆலோசனை

நாக்பூர்: பாஜகவின் தேசிய தலைவராக சமீபத்தில் பொறுப்பேற்ற அமித்ஷா, ஆர்எஸ்எஸ் தலைவர்களை சந்தித்து ஆலோசனை நடத்தினார்.

பிரதமர் நரேந்திர மோடிக்கு நெருக்கமானவரான குஜராத்தின் முன்னாள் உள்துறை அமைச்சர் அமித் ஷா, பாஜக தேசிய தலைவராக சமீபத்தில் தேர்ந்தெடுக்கப்பட்டார். அப்பதவிக்கு வந்த பிறகு முதன்முறையாக, பாஜகவின் தாய் அமைப்பாக கூறப்படும் ஆர்.எஸ்.எஸ் அமைப்பின் தலைமை அலுவலகம் அமைந்துள்ள நாக்பூருக்கு இன்று வந்தார்.

நாக்பூர் விமான நிலையத்திற்கு சென்று மகாராஷ்டிர மாநில பாஜக தலைவர் தேவேந்திரா வரவேற்றார். சட்டசபை, மேலவை உறுப்பினர்கள், முன்னாள் எம்.பிக்கள் சிலரும் விமான நிலையத்திற்கு சென்று உற்சாக வரவேற்பு அளித்தனர்.

இதைத்தொடர்ந்து ஆர்.எஸ்.எஸ் தலைமை அலுவலகமான ஸ்மிருதி மந்திருக்கு சென்றார். அங்கு ஆர்எஸ்எஸ் தலைவர் மோகன் பகவத், பொதுச்செயலாளர் பையாஜி ஜோஷி மற்றும் முக்கிய தலைவர்களுடன் ஆலோசனை நடத்துகிறார்.

English summary

Newly appointed BJP President Amit Shah arrived in Nagpur on Friday, to a warm reception on his maiden visit to the city, where he will be meeting the RSS leadership.