அடடே... குஜராத் சட்டசபை தேர்தலுக்கு இன்னமும் தேர்தல் அறிக்கை வெளியிடாத பாஜக
குஜராத் சட்டசபை தேர்தலுக்கான தேர்தல் அறிக்கையை இன்னமும் வெளியிடவில்லை
காந்திநகர்; குஜராத் சட்டசபை தேர்தலில் முதல் கட்ட வாக்குப் பதிவு வரும் 9-ந் தேதி நடைபெற இருக்கும் நிலையில் இன்னமும் தேர்தல் அறிக்கையை பாஜக வெளியிடவில்லை.
குஜராத் சட்டசபை தேர்தல் டிசம்பர் 9, 14 ஆகிய இரு கட்டங்களாக நடைபெற உள்ளன. இத்தேர்தலுக்காக அனல் பறக்கும் பிரசாரங்கள் நடைபெறுகின்றன.
பிரதமர் மோடி, பாஜக தலைவர் அமித்ஷா, காங்கிரஸ் துணைத் தலைவர் ராகுல் காந்தி என பலரும் சூறாவளி பிரசாரம் மேற்கொண்டனர். தற்போது குஜராத்தில் ஓகி புயல் கரையை கடக்க இருப்பதால் இன்றைய பேரணிகளை பிரதமர் மோடி, அமித்ஷா ஆகியோர் ரத்து செய்துள்ளனர்.
இதனிடையே கருத்து கணிப்புகள் பாஜகவுக்கு கிலியை ஏற்படுத்தி வருகின்றனர். அதே காங்கிரஸ் முகாமுக்கு பெரும் உற்சாகத்தை ஏற்படுத்தியுள்ளது.
இந்நிலையில் குஜராத் சட்டசபை தேர்தலுக்கான தேர்தல் அறிக்கையை காங்கிரஸ் நேற்று வெளியிட்டது. ஆனால் இன்னமும் தேர்தல் அறிக்கையை தயாரிக்கும் பணி மேற்கொள்ளப்படுவதாக பாஜக கூறி வருவது குறிப்பிடத்தக்கது.
Click it and Unblock the Notifications
Sign in with Google