போல்டு இஸ் பியூட்டிபுல் வைரலாகும் லெஸ்பியன் விளம்பரம்

ஒரு தாய் தனது மகனுக்காக மாப்பிள்ளை தேடியது கடந்த வாரம் இணைய உலகில் பெரும் பரபரப்பாக பேசப்பட்டது. அதுகுறித்து சாதகமாகவும், பாதகமாகவும் பலரும் கருத்து கூறினார்கள். இதேபோல, தன்பாலின ஈர்ப்புள்ள பெண்களைப் புரிந்துகொள்ளும் பெற்றோர்கள் நம் சமூகத்தில் அரிது. அந்த வகையில் லெஸ்பியன் என்று அழைக்கப்படும் தன்பாலின ஈர்ப்பு கொண்ட பெண்களைக் குறித்து சற்றும் விரசம் இன்றி மிகவும் இயல்பாக ஒரு விளம்பரம் உருவாக்கப்பட்டுள்ளது. அந்த விளம்பரப்படம் சமூக வலைத்தளங்களில் ஹிட் அடித்துள்ளது. அனைவராலும் பார்க்கப்பட்டு பகிரப்பட்டு வருகிறது.

ஒரு பாலின உறவுக்கு நமது நாட்டில் சட்டப்பூர்வ அங்கீரம் கிடைக்கவில்லை. சமூகத்திலும் ஏற்றுக் கொள்ளப்படவில்லை. ஃபயர் திரைபடம் வந்த போது மிகவும் பரபரப்பாக பேசப்பட்டது. ஆனால் இந்த விளம்பரம் பலராலும் பார்க்கப்பட்டு பாராட்டுக்களைப் பெற்று வருகிறது.

சமூகத்தில் மற்ற பாலினத்தவர்களைப் போலவே தாங்களும் வாழ்வதற்கான உரிமை கோரி மாற்று பாலினத்தவர்கள் காத்திரமாக போராடி வரும் காலமிது. இதை உணர்த்தும் வகையில்

பெங்களூருவைச் சேர்ந்த விளம்பர நிறுவனம் இதனை உருவாக்கியுள்ளது. வழக்கம்போல வரும் விளம்பரங்களுக்கு மத்தியில் இது சற்றே வித்தியாசமாக இருக்கிறது. இதை பிரபல ஷாப்பிங் வலைதலமான மிந்த்ரா பேஷன் நிறுவனம் யூ டியூபில் பிரபலப்படுத்தி வருகிறது. பேஸ்புக், யூ டியூப் என்று சமூக வலைதளங்களில் வைரலாக பரவி வருகிறது.

Proud to see the #AnoukBoldisBeautiful campaign! http://t.co/XlYiMhy0Xn beauty and love comes in all forms 💗😄

— Anarghya Vardhana (@anarghya503) June 11, 2015

ரசிக்கும் பார்வையாளர்கள்

இந்த வீடியோவை இதுவரை பல லட்சக்கணக்கானோர் பார்த்து, நேர்மறையான கமென்டுகள் மற்றும் ஷேர்கள் மூலமாக தங்கள் ஆதரவை தெரிவித்து வருகின்றனர்.

துணிச்சலான விளம்பரம்

இது குறித்து கருத்து கூறியுள்ள எல்.ஜி.பி.டி ( லெஸ்பியன்,கே,பைசெக்சுவல் மற்றும் திருநங்கைகள்) உரிமைகளுக்காக போராடும் சமூக ஆர்வலர் அசோக்ரோவ் கவி, "இது மிகவும் துணிச்சலான விளம்பரம் என்கிறார்.

லெஸ்பியன் தம்பதிகள்

உலகம் முழுவதும் லெஸ்பியன்கள் செய்திகளில் இடம்பெறுகின்றனர். தனக்கு பிடித்தவர்களை திருமணம் செய்து கொண்டு தங்கள் உரிமைகளுக்காக போராடி வருகின்றனர். லெஸ்பியன் தம்பதிகளும் மற்றவர்களைப் போலவே மகிழ்ச்சியாக வாழ்கின்றனர். இதை லட்சக்கணக்கானவர்கள் ஏற்றுக் கொண்டுள்ளனர்." என்றும் கூறியுள்ளார் அந்த சமூக ஆர்வலர்.

Just saw #BoldIsBeautiful ad by @myntra - If this Simplicity is used in mainstream society to express difference, none would bereft love :)

— gargi sonawane (@gargisonawane) June 11, 2015

பாராட்டும் வலைஞர்கள்

மூன்று நிமிடங்கள் குறும்படம் போல ஓடும் இந்த விளம்பரம் பார்வையாளர்களிடையே வித்தியாசமான தாக்கத்தை ஏற்படுத்தியுள்ளது எனவேதான் நேர்மறையான கருத்துக்களை பதிவிட்டுள்ளனர். ஏற்கனவே பாஸ்ட்டிராக் விளம்பரம் ஓரினச்சேர்கையாளர்களை வைத்து எடுக்கப்பட்டுள்ளது. அதேபோல தனிஷ்க் விளம்பரம் மறுமணத்தை வலியுறுத்துவதாக இருந்தது. தற்போது அடுத்த நகர்வாக இந்த போல்ட் இஸ் பியூட்டிபுல் லெஸ்பியன் பெண்களைப் பற்றி கூறுவதாக அமைந்துள்ளது.

English summary

The country's first advertisement showing a lesbian couple preparing to meet the parents is making waves on social media. The online video shows two women in a live-in relationship flirting and dressing up for the day, chatting about the expectations they face and their love for each other.