டெல்லியைக் கலக்கிய பாஜக சந்திப்புகள்.. வழக்கம் போல கோப்பு பார்த்த மோடி
அகமதாபாத்: டெல்லியில் தனது பெயரை அறிவிப்பதற்கான முயற்சிகளும், எதிர்ப்புகளும் சூடு பிடித்து பரபரப்பை ஏற்படுத்திய நிலையில், மாலையில் டெல்லிக்குக் கிளம்பிச் செல்லும் வரையில் வழக்கம் போல தனது வேலையைப் பார்த்துள்ளார் குஜராத் முதல்வர் நரேந்திர மோடி.
டெல்லியில் நிலவி வந்த படு சூடான சூழ்நிலையால் சற்றும் பாதிக்கப்படாமல் தனது வழக்கமான பணிகளில் இன்று மோடி ஈடுபட்டார்.
இன்றும் வழக்கம் போல தனது பணிகளைப் பார்த்த மோடி, கோப்புகளைப் பார்ப்பதிலும், அதிகாரிகளைச் சந்தித்து விவாதிப்பதிலும் இன்றைய தினத்தைக் கழித்தார்.
இன்று மாலை அவர் அகமதாபாத்தில் ஒரு புத்தக வெளியீட்டு விழாவில் பங்கேற்பதாக ஏற்கனவே அறிவிக்கப்பட்டிருந்தது. இருப்பினும் அதற்கு அவர் போகவில்லை. டெல்லி புறப்பட்டுப் போய் விட்டார். போகும் வரையிலும் தனது வழக்கமான பணிகளை அவர் பார்த்ததாக அரசு வட்டாரத் தகவல்கள் தெரிவிக்கின்றன.
Click it and Unblock the Notifications
Sign in with Google