சத்தீஸ்கர்: 2–வது கட்டமாக 72 தொகுதிகளுக்கு நாளை வாக்குப் பதிவு

ராய்ப்பூர்: சத்தீஸ்க்கர் மாநில சட்டசபைக்கு 2வது கட்டமாக 72 தொகுதிகளில் நாளை வாக்குப் பதிவு நடைபெற உள்ளது. இதனால் பலத்த பாதுகாப்பு ஏற்பாடுகள் செய்யப்பட்டுள்ளன.

சத்தீஸ்கர் மாநிலத்தில் மொத்தம் உள்ள 90 சட்டசபை தொகுதிகளில் முதல் கட்டமாக 18 தொகுதிகளுக்கு கடந்த 11-ந் தேதி தேர்தல் நடைபெற்றது. அப்போது மாவோயிஸ்டுகள் பல இடங்களில் பாதுகாப்பு படையினர் மீது துப்பாக்கிச் சூடு நடத்தினர். மாவோயிஸ்டுகள் நாசவேலைக்காக வைத்திருந்த வெடிகுண்டுகள் கண்டுபிடிக்கப்பட்டன.

இந்நிலையில் 2-வது கட்டமாக 72 தொகுதிகளுக்கு நாளை வாக்குப் பதிவு நடைபெறுகிறது. இதற்கான பிரசாரம் நேற்று மாலை 5 மணியுடன் நிறைவடைந்தது.

மாவோயிஸ்டுகள் ஆதிக்கம் உள்ள பகுதிகளில் 2-வது கட்ட தேர்தலை அமைதியாகவும், பாதுகாப்பாகவும் நடத்த விரிவான பாதுகாப்பு ஏற்பாடுகள் செய்யப்பட்டு உள்ளன.

English summary

Seventy tow seats will go for polling tomorrow in the second and last phase of Chhattisgarh Assembly elections.