காங். தலைவரானார் ராகுல்... டெல்லி தலைமை அலுவலகத்தில் தொண்டர்கள் உற்சாக கொண்டாட்டம்

அகில இந்திய காங்கிரஸ் தலைவராக ராகுல் தேர்ந்தெடுக்கப்பட்டதைத் தொடர்ந்து அக்கட்சி தலைமையகத்தில் தொண்டர்கள் உற்சாக கொண்டாட்டத்தில் ஈடுபட்டுள்ளனர்.

டெல்லி: அகில இந்திய காங்கிரஸ் கமிட்டி தலைவராக ராகுல் காந்தி தேர்வு செய்யப்பட்டதைத் தொடர்ந்து டெல்லி கட்சி தலைமை அலுவலகத்தில் தொண்டர்கள் உற்சாக கொண்டாட்டத்தில் ஈடுபட்டனர்.

மோதிலால் நேரு, ஜவஹர்லால் நேரு, இந்திரா காந்தி, ராஜீவ் காந்தி, சோனியாவைத் தொடர்ந்து நேரு குடும்பத்தில் இருந்து ராகுல் காந்தி காங்கிரஸ் கட்சியின் தலைவராக தேர்ந்தெடுக்கப்பட்டார். ராகுல் காந்திக்கு எதிராக எவரும் தேர்தலில் போட்டியிடாத காரணத்தால் அவர் இன்று ஒருமனதாகத் தேர்ந்தெடுக்கப்பட்டார்.

ராகுல் காந்தி ஒருமனதாகத் தேர்ந்தெடுக்கப்பட்டது அதிகாரப்பூர்வமாக அறிவிக்கப்பட்டது. இதையடுத்து டெல்லி காங்கிரஸ் கட்சி தலைமையகத்தில் அக்கட்சி தொண்டர்கள் உற்சாக கொண்டாட்டத்தில் ஈடுபட்டனர்.

பட்டாசுகள் வெடித்தும் இனிப்புகளை பரிமாறியுன் ஆட்டம் பாட்டம் என அமர்க்களப்படுகிறது டெல்லி தலைமையகம்.

English summary

Party workers at AICC headquarters in New Delhi are celebrating the elevation of Rahul Gandhi as the Congress president with crackers and music.