மும்பையில் களைகட்டும் தீபாவளி விற்பனை: மார்க்கெட்டுகளில் அலைமோதும் கூட்டம்

By Mayura Akilan

Published: Monday, November 2, 2015, 11:52 [IST]

Subscribe to Oneindia Tamil

மும்பை: தீபாவளி பண்டிகைக்கு இன்னும் ஒருவாரமே உள்ள நிலையில் நாடுமுழுவதும் முக்கிய நகரங்களில் விற்பனை களைகட்டி வருகிறது. மும்பையில் தாதர், கிராபர்டு மார்க்கெட், கல்பாதேவி, பாந்திரா லிங் ரோடு, சர்ச்கேட், மலாடு, போரிவிலி ஆகிய பகுதிகளில் உள்ள மார்க்கெட்டுகளில் பொதுமக்கள் கூட்டம் அலைமோதியது.

தீபாவளி என்றாலே, பட்டாசு, பலகாரம், கூடவே உற்சாகமும் சேர்ந்து கொள்ளும். பண்டிகைக்குத் தேவையான ஆடை, ஆபரணங்களை வாங்க பொதுமக்கள் கடைவீதிகளுக்கு படையெடுத்து வருகின்றனர்.

மும்பையில் ஆண்டு தோறும் தீபாவளி பண்டிகை 5 நாட்கள் கொண்டாடப்பட்டு வருகிறது. இந்த ஆண்டு வருகிற 9ம் தீபாவளி பண்டிகை கொண்டாட்டத்தின் முதல் நாளான ‘தந்தராஸ்' கொண்டாடப்படுகிறது.

மும்பையில் தீபாவாளி

விடுமுறை நாளான ஞாயிறன்று மும்பையில் உள்ள பிரதான சந்தைகளுக்கு பொதுமக்கள் படையெடுத்தனர். இதன் காரணமாக தாதர், கிராபர்டு மார்க்கெட், கல்பாதேவி, பாந்திரா லிங் ரோடு, சர்ச்கேட், மலாடு, போரிவிலி ஆகிய பகுதிகளில் உள்ள மார்க்கெட்டுகளில் பொதுமக்கள் கூட்டம் அலைமோதியது.

பட்டாசு, பலகாரம்

இதைப்போல் மஜித் பந்தர் பகுதியில் பட்டாசு விற்பனை களை கட்டி வருகிறது. தாராவி பகுதியில் விதவிதமான விளக்குகள் விற்பனைக்கு வந்துள்ளன. குடும்பத்தினருடன் வந்த பொதுமக்கள் புத்தாடைகள், அலங்கார விளக்குகள், பட்டாசு, இனிப்பு வகைகள் மற்றும் கலர் கோலப்பொடிகளை வாங்கிச்சென்றனர்.

விலை உயர்வு

தீபாவளி பண்டிகை மட்டுமின்றி அதற்காக பொருட்கள் வாங்க வருவதே மிகவும் மகிழ்ச்சிகரமான நிகழ்வு தான். கடந்த ஆண்டை விட பட்டாசு, ஆடைகள் என எல்லாப்பொருட்களும் 10 சதவீதம் விலை அதிகரித்து உள்ளது'' என்று பொதுமக்கள் தெரிவித்துள்ளனர்.

படையெடுக்கும் மக்கள்

முன்பெல்லாம் தீபாவளி பண்டிகைக்கு ஓரிரு நாட்களுக்கு முன் தான் மக்கள் ஜவுளிக்கடை நோக்கி படையெடுப்பார்கள். தற்போது 3 மாதங்களுக்கு முன்பே கூட தீபாவளிக்காக ஆடைகளை வாங்கிவிடுகின்றனர். விடுமுறை நாட்கள் என்பதால் கடந்த 2 நாட்களாக பிரதான மார்க்கெட்டுகளில் பொதுமக்கள் கூட்டம் அதிகமாக உள்ளது. தொடர்ந்து மக்களின் வருகை அதிகரிக்கும் என்று விற்பனையாளர்கள் நம்பிக்கை தெரிவித்துள்ளனர்.

Published On November 2, 2015