டெல்லியில் வேகமாக பரவும் "டெங்கு"... பொதுமக்கள் பீதி

டெல்லி : மழைகாலத்துக்கு பின் டெங்கு பரவுவது வழக்கம் என்றாலும், கடந்த ஆண்டுகளை காட்டிலும் இந்த ஆண்டு டெங்கு காய்ச்சல் வேகமாக பரவி வருவதால் பொதுமக்கள் பீதியடைந்துள்ளனர்.

டெங்கு காய்ச்சல், கொசுக்களால் பரவுவதால் டெல்லியில் அவை உருவாகும் பகுதிகளை அடையாளம் கண்டு ஒழிக்கும் பணியில் டெல்லி மாநகராட்சி களம் இறங்கியுள்ளது.

டெங்குவால் பாதிக்கபட்டவர்களுக்கு உரிய சிகிச்சை அளிக்க வேண்டும் என்று அனைத்து அரசு மற்றும் தனியார் மருத்துவமனைகளுக்கும் டெல்லி அரசு கேட்டுகொண்டுள்ளது.

கடந்த ஆகஸ்ட் 28-ம் தேதி வரை இதனால் பாதிக்கப்பட்டோர் எண்ணிக்கை 830 ஆக உயர்ந்துள்ளது. டெல்லி மாநகராட்சி புள்ளிவிவரப்படி இதில், கடைசி 20 நாட்களில் மட்டும் 250 பேர் டெங்குவால் பாதிக்கப்பட்டுள்ளனர் என்பது குறிப்பிடத்தக்கது.

English summary

Delhi is battling one of its worst dengue seasons but the strain that has hit the city is yet to be identified, vital information that will help in better understanding and management of the viral disease.