போலீசார் முன்பு டான்ஸ் ஆடி அசத்திய மோசடி மன்னன் "டிஸ்கோ பாபா" கைது

ஹைதராபாத்: போலீசார் முன்பு டான்ஸ் ஆடி அசத்திய மோசடி மன்னன் "டிஸ்கோ பாபா" கைது செய்யப்பட்டார். அந்த வீடியோ தற்போது வைரலாக பரவி வருகிறது.

யுனானி மருத்துவரான அன்வருல்லா கான் தன்னை 'டிஸ்கோ பாபா' என அழைத்துக் கொண்டு வருகிறார். இவரும், மற்றொரு போலிச் சாமியாரான பையாஸ் முகமது அன்சாரி என்பவரும் தங்களிடம் மாய சக்திகள் இருப்பதாக கூறி பல அப்பாவி மக்களை ஏமாற்றியுள்ளனர். அவர்களிடம் இருந்து நகை, பணத்தையும் மோசடி செய்துள்ளனர்.

இந்நிலையில் தன்னிடம் ரூ. 35 லட்சத்தை ஏமாற்றி விட்டதாக கூறி சையது இப்திகார் என்பவர் அளித்த புகாரில் போலீசார் அன்வருல்லா கானை கைது செய்தனர். இவருடன் சேர்த்து சுமார் 16 போலிச்சாமியார்களை போலீசார் ஹைதராபாத்தில் கைது செய்துள்ளனர்.

கைது செய்யப்பட்ட "டிஸ்கோ பாபா" காவல்நிலையத்தில் எம்.ஐ.எம் கட்சியை சேர்ந்த எம்.எல்.ஏ மற்றும் போலீஸார் முன்பு டிஸ்கோ நடனமாடியுள்ளார். இந்த வீடியோ தற்போது வைரலாக பரவி வருகிறது.

English summary

'Disco Baba' arrested in a fraud case, dances before cops at Hyderabad police station.