மோடிக்கு பதில் மன்மோகன் சிங்கை காட்டிய தூர்தர்ஷன் நியூஸ்

By Siva

Published: Saturday, September 27, 2014, 16:53 [IST]

Subscribe to Oneindia Tamil

டெல்லி: பிரதமர் நரேந்திர மோடி அமெரிக்கா சென்றுள்ளது பற்றிய செய்தியில் முன்னாள் பிரதமர் மன்மோகன் சிங்கை தூர்தர்ஷனில் காண்பித்துள்ளனர்.

பிரதமர் நரேந்திர மோடி அமெரிக்கா சென்றது குறித்த செய்தி கடந்த வியாழக்கிழமை இரவு தூர்தர்ஷனில் ஒளிப்பரப்பானது. அதில் மோடியின் அமெரிக்க பயணம் குறித்த செய்திகளை தெரிவிக்கும் முன்பு மோடிக்கு பதில் முன்னாள் பிரதமர் மன்மோகன் சிங்கை காண்பித்துள்ளனர்.

இது குறித்து தூர்தர்ஷனின் மூத்த அதிகாரிகளிடம் கேட்டதற்கு, இந்த சம்பவம் பற்றி விசாரணை நடந்து வருவதாக தெரிவித்தனர்.

தூர்தர்ஷன் செய்திகளில் ஏதாவது தவறு ஏற்பட்டால் அதை உடனே கண்டுபிடிக்க நடவடிக்கை எடுக்கப்பட்டுள்ளது என்று மூத்த அதிகாரி ஒருவர் தெரிவித்தார்.

மன்மோகன் சிங் சென்று மோடி வந்தது தூர்தர்ஷனில் உள்ள சிலருக்கு தெரியவில்லை போன்று என மக்கள் கிண்டல் அடிக்கிறார்கள்.

Published On September 27, 2014