கோவா பீச்சில் பிகினி பெண்களுக்கு தனி இடம் கூடாது... கூட்டமாகவே குளிக்க வேண்டும்: காங்கிரஸ் அடம்

By Veera Kumar

Updated: Tuesday, October 13, 2015, 14:46 [IST]

Subscribe to Oneindia Tamil

பானாஜி: பிகினி அணிந்து குளிக்கும் பெண்களுக்காக கோவா கடற்கரையில் தனி இடம் ஒதுக்குவது அவர்களின் சுதந்திரத்துக்கு எதிரான செயல் என்று காங்கிரஸ் கட்சி கடும் கண்டனம் தெரிவித்துள்ளது.

கோவா மாநிலத்தில் பாஜக தலைமையிலான ஆட்சி நடந்துவருகிறது. சமீபத்தில் அந்த மாநில பொதுப்பணித்துறை அமைச்சர் சுதின் தவலிகர் அளித்த பேட்டியில், கோவா கடற்கரையில் பிகினி எனப்படும் டூபீஸ் ஆடைகள் அணிந்து பெண்கள் குளிக்க தடை விதிக்க வேண்டும் என்று கூறியிருந்தார். மினி ஸ்கர்ட் அணிந்து மது பார்களுக்கு செல்வது நமது கலாசாரம் கிடையாது என்றும் அவர் கூறினார்.

பிகினி பெண்களால் முகம் சுளிப்பு

கோவா அமைச்சர் கருத்துக்கு காங்கிரஸ் உள்ளிட்ட கட்சிகள் எதிர்ப்பு தெரிவித்ததை தொடர்ந்து அந்த விவகாரம் அடங்கிப்போயிருந்தது. இந்நிலையில் கோவா சட்டசபை கூட்டத்தில் பேசிய மகாராஷ்டிரவாதி கோமன்டக் கட்சி எம்.எல்.ஏ லாவு மம்லேட்கர் "கோவா கடற்கரைக்கு குடும்பத்தோடு வருபவர்களுக்கு பிகினி பெண்களை பார்த்து முகம் சுளிக்கும் நிலை உள்ளது.

தனிமை பீச்சுகளை உருவாக்கலாமே...

பாலியல் தொல்லை அதிகரிக்கவும் இது வாய்ப்பளிக்கிறது. எனவே, பிகினி பெண்களுக்காக கோவா கடற்கரைகளில் சில பகுதியை ஒதுக்கி கொடுக்க வேண்டும். அங்கு குளிக்க ரூ.1000 முதல் ரூ.2000 வரை கட்டணமாக வசூலிக்கலாம். இதன் மூலம் பெண்களின் பாதுகாப்பு, தனிமை காக்கப்படுவதோடு, அரசுக்கு நல்ல வருவாய் கிடைக்கும்" என்றார்.

ஐயஹோ.. பெண்கள் சுதந்திரம் என்ன ஆவது?

ஆனால் இதையும் காங்கிரஸ் கட்சி எதிர்த்துள்ளது. அக்கட்சியின் கோவா மாநில செய்தித்தொடர்பாளர் துர்காதாஸ் காமத் நிருபர்களிடம் கூறியதாவது: இதுபோன்ற கருத்துக்களை தெரிவிப்பதன் மூலமாக பெண்களின் சுதந்திரத்தை முடக்க சதி நடக்கிறது. பெண்களின் பாதுகாப்பை விட வருவாயை பெருக்கத்தான் கோவா அரசு இதுபோன்ற தனிமை கடற்கரைகளை உருவாக்க முயலுகிறது என்றார்.

ஜொள்ளர்கள் நிலை

பாஜ ஆட்சிக்கு வந்த பிறகு கோவா மாநிலத்தை இந்த பிகினியும், மினி ஸ்கர்ட் பிரச்சினையும் தொடர்ந்து ஆக்கிரமித்து வருகிறது. பல ஜொள்ளர்கள் இலவச பிகினி காட்சிக்காகவே பஸ், ரயில் பிடித்து கோவா மாநிலத்துக்கு வந்து குவிகிறார்கள். அதனால் சுற்றுலா மேம்பட்டுள்ளது. பெண்களை தனியாக குளிக்க வைத்து பிழைப்பில் மண்ணை போட்டுவிடாதீர்கள் என்று காங்கிரஸ் கட்சியின் பல நிர்வாகிகள் கூறிவருகிறார்கள்.