குஜராத்தில் மீண்டும் பாஜக ஆட்சி.. வாக்கு சதவீதத்தில் சரிவு... டைம்ஸ் நவ் கருத்து கணிப்பு

குஜராத்தில் பாஜக ஆட்சியை தக்க வைக்கும் என்கிறது டைம்ஸ் நவ் கருத்து கணிப்பு.

டெல்லி: குஜராத் சட்டசபை தேர்தலில் பாஜக ஆட்சியைத் தக்க வைத்துக் கொள்ளும் என்றும் அதேநேரத்தில் கடந்த தேர்தலை ஒப்பிடுகையில் பாஜகவின் வாக்கு சதவீதம் சரிவை சந்தித்துள்ளது என்கிறது டைம்ஸ் நவ்- வி.எம்.ஆர். கருத்து கணிப்பு முடிவுகள்.

குஜராத்தில் நவம்பர் 23-ந் தேதி முதல் 30-ந் தேதி வரை 684 வாக்குச் சாவடிகளில் 6,000 பேரிடம் டைம்ஸ் நவ்- வி.எம்.எம்.ஆர் நிறுவனம் இணைந்து கருத்து கணிப்பை நடத்தியது. இக்கருத்து கணிப்பில் ஹர்திக் படேல், ஜிஎஸ்டி உள்ளிட்ட 10 விவகாரங்களை முன்வைத்து மக்களிடம் கேள்விகள் கேட்கப்பட்டன.

வாக்கு சதவீதம் குறைவு

இக்கருத்து கணிப்புகளில் பாஜக 22 ஆண்டுகால ஆட்சியைத் தக்க வைக்கும் என தெரிவிக்கப்பட்டுள்ளது. அதேநேரத்தில் பாரதிய ஜனதா கட்சியின் வாக்கு சதவீதம் குறைந்தும் இருக்கிறது.

காங்கிரஸுக்கு 68

பாஜகவுக்கு இத்தேர்தலில் 111 இடங்களும் காங்கிரஸ் கட்சிக்கும் 68 தொகுதிகளும் கிடைக்கும் என்கிறது டைம்ஸ் நவ். இதர கட்சியினருக்கு 3 தொகுதிகள் கிடைக்குமாம். 2012 தேர்தலை ஒப்பிடுகையில் பாஜகவின் வாக்கு சதவீதமானது 48%-ல் இருந்து 45% ஆக குறைந்துள்ளது. ஆனால் காங்கிரஸுக்கோ 39%-ல் இருந்து 40% ஆக அதிகரித்துள்ளது என்பது குறிப்பிடத்தக்கது.

கடந்த தேர்தலில் பாஜக 115

2012 சட்டசபை தேர்தலில் பாஜக 115 இடங்களையும் காங்கிரஸ் 61 இடங்களையும் கைப்பற்றியது. இதர கட்சிகள் 6 இடங்களைக் கைப்பற்றியிருந்தன.

பாஜகவுக்கு குறைவு

இத்தேர்தலில் பாஜகவுக்கு 45% வாக்குகள் கிடைக்கும்; காங்கிரஸுக்கு 40%; இதர கட்சிகளுக்கு 15% கிடைக்கும் என்கிறது டைம்ஸ் நவ் முடிவுகள்.

English summary

A Times Now-VMR survey of voters in Gujarat has predicted a comfortable victory for the BJP in the state. The Times Now-VMR survey projects that the BJP is set to enjoy another term helming the state of Gujarat.