மாதுரி ரூ 12 லட்சம், ஸ்ரீதேவி ரூ 8 லட்சம்... கொடி கட்டிப் பறக்கும் 'ஹெராயின்' ஹீரோயின்கள்...!

டெல்லி: போதை பொருள் கடத்தலுக்கு மாதுரி தீட்ஷித், ஸ்ரீதேவி ராக்கி சாவந்த் என பிரபல நடிகைகளின் பெயரை கடத்தல் கும்பல் பயன்படுத்தி வந்தது கண்டுபிடிக்கப் பட்டுள்ளது.

பொதுவாக முறைகேடான தொழில் புரிபவர்கள், தங்களின் மொழி மற்றவர்களுக்கு புரியாவண்ணம் இருப்பதற்காக சங்கேத வார்த்தைகளைப் பயன்படுத்துவது வழக்கம். பெரும்பாலும் அவை ஒன்றுக்கொன்று சம்பந்தமில்லாத வார்த்தைகளாக இருக்கும் என்று தான் நாம் இதுவரைக் கேள்விப் பட்டிருப்போம்.

ஆனால், கலா ரசிகர்களான போதைப் பொருள் கடத்தல் கும்பல் தற்போது சினிமா நடிகைகளின் பெயரை ரகசிய வார்த்தைகளாக பயன்படுத்துவதாக தகவல்கள் தெரிவிக்கின்றன.

தென் இந்திய சப்ளையர்களுக்காக டெல்லியில் உள்ள போதை மருந்து கும்பல் இது போன்ற ரகசிய வார்த்தைகளை பயன்படுத்தி வருவதாக டெல்லி போலீசார் தெரிவித்துள்ளனர்.

உயர்தரமான சரக்கு...

அதன்படி, நல்ல விலை போகும் உயர் தரமான ஹெராயின் போதை பொருளுக்கு , மாதுரி அல்லது ஸ்ரீதேவி பெயரிட்டு உள்ளதாம் கடத்தல் கும்பல்.

தரம் குறைந்த போதைப்பொருள்...

அதேசமயம் குறைந்த விலை கிடைக்கும் தரம் குறைந்த போதை பொருளுக்கு ராக்கி சாவந்த் பெயரை வைத்து உள்ளனராம்.

நல்ல விலை...

கிடைத்துள்ள தகவல்களின்படி, ஒரு கிலோகிராம் எடை உள்ள மாதுரி ஹெராயின் ரூ 12 லட்சத்திற்கும், ஒரு கிலோகிராம் ஸ்ரீதேவி ஹெராயின் ரூ. 8 லட்சத்திற்கும் விற்கப் படுகிறதாம்.

மவுசு கம்மி தான்...

'ராக்கி சாவந்த்' ஹெராயின் மிக குறைந்த விலைக்கு தான் விற்பனையாகிறதாம்.

கைப்பற்றப் பட்ட போதைப்பொருட்கள்...

கடந்தாண்டு போதை கும்பலிடம் இருந்து 34.32 கிலோ கிராம் போதை பொருளை கைப்பற்றிய டெல்லி போலீசார், 2012 இல் 61 கிலோகிராம் போதை பொருளையும், 2011 இல் 5 கிலோ போதைப் பொருளையும், 2010 ல் 26 கிலோ போதைப் பொருளையும் கைப்பற்றியதாக தெரிவித்துள்ளனர்.

English summary

The Capital's druglords are using the names of heroines like Madhuri, Sridevi and Rakhi Sawant to run the heroin racket, it has emerged.