”இது பரிசா வந்தது... வெறும் 14 லட்ச ரூபாய்தான்” - வாட்ச் சர்ச்சைக்கு சித்தராமையா பதில்
பெங்களூர்: கர்நாடக முதல்வர் சித்தராமையா கையில் கட்டியிருந்த கடிகாரத்தினால் ஏற்பட்ட சர்ச்சையால் பெரும் பரபரப்பு ஏற்பட்டது. இந்நிலையில் அது பரிசுப் பொருள்தான் என்பதை உறுதிப் படுத்தி சர்ச்சைகளுக்கு முற்றுப் புள்ளி வைத்துள்ளார் அவர்.
கர்நாடக முதல்வர் சித்தராமையாவின் கையில் சமீப காலமாக வித்தியாசமான கடிகாரம் காணப்பட்டது.
டிஜிட்டல் கடிகாரங்கள் வந்துவிட்ட இந்தக் காலத்தில் பழங்கால கடிகாரம் போல் பெரிதாக இருந்தது.
மழுப்பிய சித்தராமையா:
இந்த புதிய கடிகாரத்துடனேயே அவர் பத்திரிகையாளர்களை சந்தித்தார். அப்போது கடிகாரம் பற்றி நிருபர்கள் கேட்டதற்கு பதில் அளிக்காமல் மழுப்பி விட்டார். இதனால் சித்தராமையா கையில் விலை மதிப்புள்ள கடிகாரம் என படத்துடன் செய்தி வெளியானது.
வைரம் இருப்பதாக புரளி:
இந்த கடிகாரத்தின் மதிப்பு ரூபாய் 75 லட்சம் என்றும் அதில் வைரம் இருப்பதாகவும் கூறப்பட்டது. எனவே இந்த கடிகாரம் குறித்து சித்தராமையா விளக்கமும் அளிக்க வேண்டும் என்று எதிர்க்கட்சிகள் சர்ச்சையை கிளப்பின. ஆனால் எதற்குமே பதில் அளிக்காமல் சித்தராமையா மவுனம் காத்து வந்தார்.
14 லட்சமாம் விலை:
இந்நிலையில் தான் அவர் வெளியிட்டுள்ள பதில் அறிக்கையில் அந்த கடிகாரத்தினை துபாயில் வசிக்கும் டாக்டர் வர்மாவிடம் இருந்து ரூபாய் 14 லட்சத்துக்கு வாங்கியதாகவும், இதற்கு வருமான வரி செலுத்தி லோக் ஆயுக்தாவிடம் விவரம் தாக்கல் செய்து இருப்பதாகவும் அதில் கூறப்பட்டுள்ளது.
மாநில அரசிடம் ஒப்படைப்பு:
மேலும் இது பரிசுப் பொருள் என்பதால் அதற்கான வரியானது மாநில அரசிடம் ஒப்படைக்கப்படும் என்றும் சித்தராமையா தெரிவித்துள்ளார்.
Click it and Unblock the Notifications
Sign in with Google