நீர்மூழ்கிக் கப்பலில் இருந்து ஏவப்படும் கே-4 ஏவுகணை சோதனை வெற்றி

விசாகப்பட்டினம்: நீர்மூழ்கிக் கப்பலில் இருந்து அணு ஆயுதங்களை சுமந்து சென்று இலக்குகளைத் தாக்கும் கே-4 ஏவுகணை சோதனை நேற்று வெற்றிகரமாக நடைபெற்றது.

ஆந்திரா கடற்பரப்பில் கே-4 ஏவுகணை சோதனை நேற்று நடைபெற்றது. சர்வதேச பரப்பில் 3,500 கி.மீ. தொலைவில் உள்ள இலக்கைத் தாக்கி அழிக்கக் கூடிய வல்லமை கொண்டது கே-4 ஏவுகணை.

நீர்மூழ்கிக் கப்பலில் இருந்து ஏவக் கூடியது இந்த கே-4 ஏவுகணை. ஆகையால் இது நீருக்கு அடியில் இருந்து இலக்கை நோக்கி செல்லுத்தப்பட்டது. சோதனையின் போது மிக துல்லியமாக இலக்கை தாக்கி அழித்தது ஏவுகணை.

உள்நாட்டிலேயே தயாரிக்கப்படும் அரிஹந்த் நீர்மூழ்ழ்கிக் கப்பலில் கே-4 ஏவுகணை பொருத்தப்பட உள்ளது. பல்வேறு கட்ட சோதனைகளுக்குப் பின் நீர்மூழ்கிக் கப்பலில் இந்த ஏவுகணை பொருத்தப்படும்.

டி.ஆர்.டி.ஓ தயாரித்துள்ள 2-வது நீர்மூழ்கிக் கப்பலில் இருந்து செலுத்தப்படும் ஏவுகணை இது. கடந்த 2017-ல் கே ஏவுகணை சோதன தோல்வி அடைந்திருந்தது குறிப்பிடத்தக்கது.

English summary

DRDO launched a K-4 SLBM from a submerged platform off the coast of Andhra Pradesh on Sunday.