மேற்கு வங்கத்தில் மமதா பானர்ஜிக்கு முடிவுரை எழுதப் போகிறதா பாஜக? அதிரவைக்கும் India TV-CNX சர்வே!

கொல்கத்தா: லோக்சபா தேர்தலில் மேற்கு வங்கத்தில் பாஜக அதிகமான இடங்களைக் கைப்பற்றும்; முதல்வர் மமதா பானர்ஜி தலைமையிலான திரிணாமுல் காங்கிரஸ் கட்சிக்கு கடும் பின்னடைவு ஏற்படும் என்கிறது India TV-CNX கருத்து கணிப்பு.

மேற்கு வங்கத்தில் மொத்தம் 42 லோக்சபா தொகுதிகள் உள்ளன. இந்த 42 தொகுதிகளிலுமே 7 கட்டங்களாக ஏப்ரல் 19-ந் தேதி முதல் ஜூன் 1-ந் தேதி வரை தேர்தல் நடைபெற உள்ளது. மேற்கு வங்கத்தில் ஆளும் திரிணாமுல் காங்கிரஸ், பாஜக, இடதுசாரிகள்- காங்கிரஸ் கூட்டணி என மும்முனைப் போட்டி நிலவுகிறது. திரிணாமுல் காங்கிரஸ்- காங்கிரஸ்- இடதுசாரிகள் ஆகியவை "இந்தியா" கூட்டணியில் இடம் பெற்றிருந்தாலும் மேற்கு வங்கத்தில் திரிணாமுல் காங்கிரஸ் தனியாகவும் காங்கிரஸ்- இடதுசாரிகள் தனியாகவும் போட்டியிடுகின்றன.

லோக்சபா தேர்தலில் மேற்கு வங்கத்தில் ஆளும் திரிணாமுல் காங்கிரஸ் கட்சிக்கு பாஜக கடும் சவாலாகவே இருக்கும் என்பது பொதுவான கருத்து கணிப்பு முடிவுகள். ஆனால் India TV-CNX கருத்து கணிப்பானது, மேற்கு வங்கத்தில் திரிணாமுல் காங்கிரஸைவிட பாஜகதான் அதிக இடங்களைக் கைப்பற்றும் என்கிறது. கடந்த 3 தேர்தல்களில் கொடி கட்டிப் பறந்து திரிணாமுல் காங்கிரஸின் கோட்டையாக மாற்றப்பட்ட மேற்கு வங்கத்தில் காவி கொடி பறக்கப் போகிறது என்கிறது India TV-CNX கருத்து கணிப்பு.

India TV- CNX கருத்து கணிப்பு முடிவுகள்:

பாஜக -22

திரிணாமுல் காங்கிரஸ் - 19

காங்கிரஸ் -1

வடக்கு மேற்கு வங்கத்தில் மொத்தம் 8 தொகுதிகள் உள்ளன. இதில் 6 தொகுதிகளை பாஜக கைப்பற்றுமாம்; திரிணாமுல் காங்கிரஸ் கட்சிக்கு 2 தொகுதிகள்தான் கிடைக்குமாம்.

தென்கிழக்கு மேற்கு வங்கத்தில் 12 தொகுதிகள் உள்ளன. இதில் 7 இடங்களை திரிணாமுல் காங்கிரஸ், பாஜக -4 காங்கிரஸ் 1 இடத்தில் ஜெயிக்குமாம்.

கிரேட்டர் கொல்கத்தாவில் மொத்தம் 5 தொகுதிகள் உள்ளன. இந்த 5 தொகுதிகளையுமே திரிணாமுல் காங்கிரஸ் அள்ளும் வாய்ப்புள்ளதாம்.

தென் மேற்கு - மேற்கு வங்கத்தில் 17 தொகுதிகள் உள்ளன. இதில் பாஜக -12; திரிணாமுல் காங்கிரஸ் 5 தொகுதிகளில் வெல்லுமாம்.

2019-ம் ஆண்டு லோக்சபா தேர்தல் முடிவுகள்

திரிணாமுல் காங்கிரஸ்- 22

பாஜக- 18

காங்கிரஸ் - 2

2014-ம் ஆண்டு லோக்சபா தேர்தல் முடிவுகள்

திரிணாமுல் காங்கிரஸ்- 34

காங்கிரஸ் - 4

சிபிஎம் - 2

பாஜக - 2

2009-ம் ஆண்டு லோக்சபா தேர்தல் முடிவுகள்

திரிணாமுல் காங்கிரஸ்- 19

காங்கிரஸ் - 6

சிபிஎம் - 15

பாஜக - 1

2004-ம் ஆண்டு லோக்சபா தேர்தல் முடிவுகள்

இடதுசாரிகள் - 35

காங்கிரஸ்- 6

திரிணாமுல் - 1

English summary

India TV- CNX Predicted BJP may get 22/ 42 seats from West bengal in the Lok Sabha Election.