இந்தியர்களுக்குப் பிடித்த நகரம் சிங்கப்பூர்தானாம்.. மும்பைக்கு 2வது இடம்தான்!

Updated: Thursday, September 12, 2013, 19:55 [IST]

Subscribe to Oneindia Tamil

டெல்லி: உலகிலேயே இந்தியர்களுக்கு மிகவும் பிடித்த நகரம் சிங்கப்பூர்தானாம். மும்பைக்கு 2வது இடம்தான் கிடைத்துள்ளது இந்தியர்களின் இதயங்களில்.

பிசினஸ் செய்வதற்கும், வாழ்வதற்கும் ஏற்றநகரம், பிடித்த நகரம் சிங்கப்பூர் என்பது இந்தியர்களின் கருத்தாகும்.

சிங்கப்பூர், மும்பை தவிர நியூயார்க், லண்டன், அபுதாபி ஆகிய நகரங்கள் அடுத்தடுத்த இடத்தில் வருகின்றன.

இப்சோஸ் ஆய்வு

மார்க்கெட்டிங் ஆய்வு நிறுவனமான இப்சோஸ் எடுத்த ஆய்வில் இது தெரிவிக்கப்பட்டுள்ளது.

3வது விருப்பநகரம் நியூயார்க்

இந்தியர்களின் 3வது விருப்ப நகரமாக நியூயார்க் இடம் பெற்றுள்ளது.

நான்காவது இடத்தில் லண்டன்

இங்கிலாந்து தலைநகர் லண்டனை நான்காவது விருப்ப நகராக இந்தியர்கள் தேர்ந்தெடுத்துள்ளனர். அபுதாபிக்கு 5வது இடம் கிடைத்துள்ளது.

இந்தியாவில் முதலிடம் மும்பைக்குத்தான்

இந்தியாவில் அனைவரும் வசிக்கவும், பிசினஸ் செய்யவும் விரும்பும் முதல் நகராக மும்பை திகழ்கிறது.

வெறும் பிசினஸ் என்றால் மும்பைதான் பர்ஸ்ட்

வெறும் பிசினஸ் மட்டுமே என்ற கேள்விக்கு மும்பைக்கே அதிக வாக்கு விழுந்துள்ளது. அடுத்த இடத்தில் சிங்கப்பூர், அபுதாபி, நியூயார்க், லண்டன், ஹாங்காங், பெய்ஜிங், டோக்கியோ, சிட்னி, பாரிஸ் ஆகியவை வருகின்றன.

வாழ்வதற்கு மட்டும் என்றாலும் மும்பைதான்

அதேபோல வசிப்பதற்கு மட்டும் என்ற கேள்விக்கும் மும்பைக்கே முதலிடம். அடுத்த இடத்தில் சிங்கப்பூர், லண்டன், நியூயார்க், அபுதாபி, பாரிஸ், சிட்னி, லாஸ் ஏஞ்சலெஸ், ஜூரிச், வாஷிங்டன் ஆகியவை வருகின்றன.

24 நாடுகளில்

24 நாடுகளில் 18,417 இந்தியர்களிடம் இந்த ஆய்வு நடத்ப்பட்டதாம்.

வசிக்க, பிசினஸ் செய்ய, சுற்றுலா செல்ல நியூயார்க் பெஸ்ட்

வசிப்பதற்கும், பிசினஸ் செய்வதற்கும், சுற்றுலா செல்வதற்கும் சிறந்த நகரமாக நியூயார்க்கை தேர்வு செய்துள்ளனர் இந்தியர்கள். அடுத்த இடங்களில் லண்டன், பாரிஸ், அபுதாபி, சிட்னி ஆகியவை வருகின்றன.