வாக்கிங் போவது, டிவி பார்ப்பது, செய்தித்தாள் வாசிப்பதுமாக சிறையில் பொழுதை கழிக்கும் 'அம்மா'

பெங்களூர்: ஜெயலலிதா சிறையில் எளிமையான உணவு வகைகளை சாப்பிடுவது, நடைபயிற்சி செய்வது, செய்தித்தாள்களை வாசிப்பது என்று பொழுதை கழிக்கிறார்.

சொத்துக்குவிப்பு வழக்கில் 4 ஆண்டுகள் சிறை தண்டனை விதிக்கப்பட்டதையடுத்து ஜெயலலிதா பெங்களூர் பரப்பன அக்ரஹாரா சிறையில் அடைக்கப்பட்டுள்ளார். சிறையில் அவருக்கு கைதி எண் 7402 அளிக்கப்பட்டுள்ளது.

ஜெயலலிதா பற்றி சிறை அதிகாரி ஒருவர் கூறுகையில்,

நலம்

ஜெயலலிதாவின் உடல் நலம் பாதிக்கப்பட்டிருப்பதாக வெளியாகும் செய்திகளில் உண்மை இல்லை. அவர் நலமாக உள்ளார்.

உணவு

ஜெயலலிதா வெளியில் இருந்து வாங்கி வரப்படும் உணவை எல்லாம் சாப்பிடவில்லை. நாங்கள் அளிக்கும் பிரட், சப்பாத்தி உள்ளிட்ட எளிய உணவு வகைகளையே சாப்பிடுகிறார்.

மருத்துவர்கள்

சிறை வளாகத்தில் 6 மருத்துவர்கள் உள்ளனர். அவர்கள் ஜெயலலிதா உள்ளிட்ட அனைத்து கைதிகளின் நலனையும் பார்த்துக் கொள்கிறார்கள்.

வாக்கிங்

ஜெயலலிதா தினமும் அதிகாலையில் எழுந்து சிறை வளாகத்தில் நடைபயிற்சி செய்கிறார்.

செய்தித்தாள்கள்

ஜெயலலிதா தினமும் தவறாமல் தமிழ், ஆங்கிலம் என 5 நாளிதழ்களை படித்து வருகிறார், தொலைக்காட்சி பார்த்து வருகிறார் என்றார்.

English summary

AIADMK supremo Jayalalithaa is keeping good health and eating simple food besides reading newspapers at the Parapanna Agrahara Central prison where she is lodged after conviction in the disproportionate assets case, according to a jail official.