பீகார் பாணி... மணிப்பூரில் பாஜக ஆட்சி அமைக்க ஜேடியூ ஆதரவு

இம்பால்: மணிப்பூரில் பாரதிய ஜனதா கட்சி ஆட்சி அமைக்க ஐக்கிய ஜனதா தளம் ஆதரவு தெரிவித்துள்ளது.

60 இடங்களை கொண்ட மணிப்பூர் சட்டசபைக்கு 2 கட்டங்களாக தேர்தல் நடைபெற்றது. இத்தேர்தலில் பாஜக 32 இடங்களை கைப்பற்றி தனிப்பெரும்பான்மை பெற்றது. 6 இடங்களைப் பெற்ற ஜேடியூ 2வது பெரிய கட்சியாக உருவெடுத்தது.

இத்தேர்தலில் காங்கிரஸ் 5 இடங்களில் மட்டும் வென்றது. இதையடுத்து மணிப்பூரில் பாஜக மீண்டும் ஆட்சி அமைக்கிறது.

இந்நிலையில் பாஜக ஆட்சி அமைக்க ஜேடியூ ஆதரவு தெரிவித்துள்ளது. பீகாரில் ஜேடியூ-பாஜக கூட்டணி ஆட்சி உள்ளது. மணிப்பூர் மக்களின் நலன் கருதி, ஆட்சியமைப்பதற்கு பாஜகவுக்கு ஆதரவு அளிக்க முடிவு செய்திருப்பதாக ஐக்கிய ஜனதா தளம் தெரிவித்துள்ளது.

ஐக்கிய ஜனதா தளம் கட்சியில் புதிதாக தேர்ந்தெடுக்கப்பட்ட 6 எம்எல்ஏக்களும் குமுக்சம் ஜாய்கிசன் சிங்கை சட்டசபை குழு தலைவராக தேர்ந்தெடுத்துள்ளனர்.

English summary

JD(U) will support BJP in forming govt in Manipur.