Jharkhand Lok Sabha Election Results Live: 14 தொகுதிகளில் 8ஐ கைப்பற்றிய பாஜக

ராய்ப்பூர்: ஜார்க்கண்ட் மாநிலத்தில் உள்ள 14 லோக்சபா தொகுதிகளில் பாஜக தலைமையிலான என்டிஏ கூட்டணி 8 இடங்களிலும் ஜார்க்கண்ட் முக்தி மோர்ச்சா 3 இடங்களிலும் காங்கிரஸ் கட்சி 2 இடங்களிலும் ஏஜேஎஸ்யு கட்சி ஒரு இடத்திலும் வென்றுள்ளது.

ஜார்க்கண்ட் மாநிலத்தில் உள்ள 14 தொகுதிகளுக்கும் 4 கட்டங்களாக மே 13, மே 20, மே 25, ஜூன் 1 ஆகிய தேதிகளில் தேர்தல் நடந்து முடிந்தது. இன்று காலை 8 மணிக்கு வாக்கு எண்ணிக்கை நடைபெறவுள்ள நிலையில் எந்த கட்சி அதிக இடங்களை பிடிக்கும் என்ற எதிர்பார்ப்பு எழுந்துள்ளது.

கடந்த 2019 ஆம் ஆண்டு நடந்து முடிந்த தேர்தலில் பாஜக 11 இடங்களிலும் ஜார்க்கண்ட் முக்தி மோர்ச்சா, காங்கிரஸ், அகில ஜார்க்கண்ட் மாணவர் சங்கம் ஆகிய கட்சிகள் தலா ஒரு இடங்களை வென்றன.

கடந்த 2014 ஆம் ஆண்டு நடந்த லோக்சபா தேர்தலிலும் பாஜக 12 இடங்களிலும் ஜார்க்கண்ட் முக்தி மோர்ச்சா 2 இடங்களிலும் வென்றது. இந்த 2024 ஆம் ஆண்டு நடந்த தேர்தலில் பாஜக அதிக இடங்களில் வெல்லும் என்ற எதிர்பார்ப்பு எழுந்துள்ளது. எனினும் காங்கிரஸ் கட்சியும் ஜார்க்கண்ட் மாநில முதல்வர் ஹேமண்ட் சோரனின் சிறை வாசம், அவரது தலைமை பண்பு உள்ளிட்டவைகளால் இந்தியா கூட்டணி இந்த முறை கூடுதல் தொகுதிகளை பெறும் என தெரிகிறது.

தேர்தலுக்கு பிந்தைய கருத்துக் கணிப்புகளின்படி பாஜக 9 முதல் 12 இடங்களையும் இந்தியா கூட்டணி 2 முதல் 5 இடங்களிலும் வெல்லும் என கணிக்கப்பட்டுள்ளது. தன்பத், ராஞ்சி, ஜம்ஷெத்பூர் ஆகிய தொகுதிகள் முக்கிய தொகுதிகளாக பார்க்கப்படுகிறது.

ஜார்க்கண்டில் மொத்தம் 14 தொகுதிகளில் பாஜக 8 தொகுதிகளில் வென்றது. காங்கிரஸ் கட்சி 2 தொகுதிகளில் வென்றது. அது போல் ஜார்க்கண்ட் முக்தி மோர்ச்சா கட்சி 3 இடத்திலும் ஏஜேஎஸ்யூ கட்சி ஒரு இடத்திலும் வென்றுள்ளது.

English summary

Jharkhand Lok Sabha Election 2024 Results LIVE News Updates in Tamil (ஜார்க்கண்ட் லோக்சபா தேர்தல் முடிவுகள்): Check out who will win in Jharkhand in the Lok Sabha election battle race between Congress and BJP along with vote percentages, margins, and much more information on Oneindia Tamil.