ஜிமிக்கி கம்மல் பாடல்!.... கிரிக்கெட் வீரர்களுடன் செமையாக சிங்க் செய்யப்பட்ட வெர்சன்
ஜிமிக்கி கம்மல் பாடலுக்கு கிரிக்கெட் வீரர்கள் டான்ஸ் ஆடுவது போல் சிங்க் செய்யப்பட்ட வெர்சன் தற்போது வைரலாகி வருகிறது.
மும்பை: ஜிமிக்கி கம்மல் பாடலுக்கு கிரிக்கெட் வீரர்கள் டான்ஸ் ஆடுவது போன்று செமையாக சிங்க் செய்யப்பட்ட வெர்சன் கனகச்சிதமாக பொருந்தியுள்ளது.
மலையாளத்தில் மோகன்லால் நடிப்பில் அண்மையில் வெளியான 'வெளிப்பாடிண்டே புஸ்தகம்' படத்தில் இடம்பெற்ற ஜிமிக்கி கம்மல் பாடல் இணையத்தில் வைரலானது.
கேரள எல்லையைத் தாண்டி தமிழகம், ஆந்திரா, மகாராஷ்டிரா என பல மாநிலங்களிலும் ஜிமிக்கி கம்மல் பாடல் பெரும் வரவேற்ப்பைப பெற்றது. மேலும் கடல் கடந்து அமெரிக்காவில் பிரபல டாக் ஷோ தொகுப்பாளர் ஜிம்மி கிம்மல் கூட ஜிமிக்கி கம்மல் பாடல் தன்னை கவர்ந்துவிட்டதாகக் கூறியிருந்தார்.
'வெளிப்பாடிண்டே புஸ்தகம்' படத்தில் இப்பாடலை வினீத் ஸ்ரீநிவாசன், ரஞ்சித் உன்னி ஆகியோர் பாடியுள்ளனர். இப்பாடலுக்கு, ஓணம் பண்டிகையின்போது கல்லூரி பேராசிரியர் ஷெரில் தனது சக தோழிகளுடன் நடனமாடினார்.
இந்த பாடல் பழைய பாடல்களுடனும், அரசியல்வாதிகளின் நடனத்துடனும் சிங்க் செய்யப்பட்டது. இந்த பாடல் பிரபலமடைய செய்ததற்கு நன்றி தெரிவிக்கும் விதமாக நடிகர் மோகன்லாலும் நடனம் ஆடினார்.
இந்த நிலையில் இந்த பாடலை கிரிக்கெட் வீரர்களின் வெவ்வேறு நடனங்களுடன் சிங்க் செய்யப்பட்டுள்ளது. மிகவும் கச்சிதமாக பொருந்திய இப்பாடல் வைரலாகி வருகிறது.