பிரசார் பாரதி அமைப்பின் பகுதி நேர உறுப்பினராக பாலிவுட் நடிகை, கஜோல் நியமனம்
டெல்லி: பிரசார் பாரதி அமைப்பின் பகுதி நேர உறுப்பினராக, பிரபல பாலிவுட் நடிகை, கஜோல் நியமிக்கப்பட்டு உள்ளார். 2021ம் ஆண்டு நவம்பர் மாதம் வரை சுமார் 5 ஆண்டுகள் கஜோல் இந்த பதவியில் இருப்பார்.
பாலிவுட் நடிகை கஜோல், தில்வாலே துல்கனியா லே ஜாயங்கே படம் மூலம் பிரபலமானவர். தமிழில் மின்சார கனவு படத்தில் நடித்து தமிழக ரசிகர்களின் நெஞ்சங்களிலும் இடம் பிடித்தார்.
திருமணம், குழந்தைகள் என்று செட்டில் ஆனாலும் தற்போது சினிமா, விளம்பரங்களில் நடித்து வருகிறார் இந்த நிலையில் பிரசார் பாரதி அமைப்பின் பகுதி நேர உறுப்பினராக நியமனம் செய்யப்பட்டுள்ளார்.
மத்திய அரசின் துார்தர்ஷன், 'டிவி' சேனல், அகில இந்திய வானொலி போன்றவை, பிரசார் பாரதி வாரியத்தின் கட்டுப்பாட்டில் இயங்கி வருகின்றன;
வாரியத்தின் தலைவராக சூர்ய பிரகாஷ் உள்ளார்.
இந்த வாரியத்தில், பகுதி நேர உறுப்பினர்களாக, ஆறு பேர் செயல்படலாம். அதில், இரண்டு உறுப்பினர் பதவிகள் காலியாக இருந்தன. அந்தப் பதவிகளுக்கு, பிரபல இந்தி நடிகை கஜோலும், ஆன்லைன் மீடியா நிறுவனத்தை சேர்ந்த ஷசி சேகர் வேம்பட்டி என்பவரும் நியமிக்கப்பட்டு உள்ளனர்.
குடியரசுத் துணைத் தலைவர் ஹமீது அன்சாரி, இந்திய பிரஸ் கவுன்சில் தலைவர் சி.கே.பிரசாத், மத்திய செய்தி, ஒலிபரப்புத் துறைச் செயலர் பிமல் ஜுல்கா ஆகியோர் அடங்கிய மூன்று பேர் குழுவானது கஜோல் மற்றும் வெம்பதியை தேர்வு செய்தது.
பிப்ரவரி 24ம் தேதி நடைபெறும் பிரசார் பாரதி வாரிய கூட்டத்தில் நடிகை கஜோல் கலந்து கொள்வார் என்று மூத்த அதிகாரி ஒருவர் தெரிவித்தார். தூர்தர்ஷன் மற்றும் அகில் இந்திய வானொலி நிலையம் ஆகியவற்றின் பொதுமேலாளர்கள் நியமனம் தொடர்பாக இந்த கூட்டத்தில் முக்கிய முடிவுகள் எடுக்கப்பட உள்ளன.
Click it and Unblock the Notifications
Sign in with Google