ராகுல் காந்தியை சந்தித்தார் கமல்ஹாசன்

டெல்லி: மக்கள் நீதி மய்யம் கட்சித் தலைவர் கமல்ஹாசன் காங்கிரஸ் தலைவர் ராகுல் காந்தியைச் சந்தித்துப் பேசினார்.

மக்கள் நீதி மய்யம் கட்சியின் பதிவுக்காக கமல்ஹாசன் டெல்லி வந்துள்ளார். இன்று காலை தேர்தல் ஆணையர் அலுவலகம் சென்ற அவர் இதுதொடர்பாக உரிய அதிகாரியைச் சந்தித்துப் பேசினார். பின்னர் செய்தியாளர்களைச் சந்தித்தபோது தமிழக பிரச்சினைகள் குறித்து பதிலளித்தார்.

இந்த நிலையில் இன்று மாலை காங்கிரஸ் தலைவர் ராகுல் காந்தியைச் சந்தித்தார் கமல்ஹாசன். ராகுல் காந்தியின் இல்லத்தில் வைத்து சந்திப்பு நடைபெற்றது.

சமீபத்தில் பெங்களூரில் காங்கிரஸ் ஆதரவுடன் பதவியேற்ற குமாரசாமியைச் சந்தித்தார் கமல். அந்த விழாவில் ராகுல் காந்தியையும் அவர் சந்தித்துப் பேசினார். அதேபோல பல்வேறு அரசியல் தலைவர்களையும் அவர் சந்தித்துப் பேசியுள்ளார். இந்த நிலையில் ராகுல் காந்தியை இன்று மீண்டும் சந்தித்துள்ளார் கமல்ஹாசன். இது எதிர்பார்ப்புகளை ஏற்படுத்தியுள்ளது.

English summary

MNM leader Kamal Haasan is all set to meet Congress president Rahul Gandhi this evening at his Delhi residence.