கர்நாடகா:பெண்களுக்கு மாதம் ரூ.2000, இலவச பேருந்து பயணம், 200 யூனிட் மின்சாரம்- காங். தேர்தல் அறிக்கை

பெங்களூர்: கர்நாடகா சட்டசபை தேர்தலுக்கான காங்கிரஸ் கட்சியின் தேர்தல் அறிக்கை வெளியிடப்பட்டுள்ளது. கர்நாடகாவில் காங்கிரஸ் ஆட்சிக்கு வந்தால் குடும்ப தலைவிகளுக்கு மாதம் ரூ. 2,000 வழங்கப்படும்; அனைத்து வீடுகளுக்கும் 200 யூனிட் மின்சாரம் இலவசமாக வழங்கப்படும் என்பது உள்ளிட்ட வாக்குறுதிகள் ஏராளமாக காங்கிரஸ் தேர்தல் அறிக்கையில் இடம்பெற்றுள்ளன.

வறுமை கோட்டுக்கு கீழே உள்ள குடும்பங்களுக்கு 10 கிலோ உணவு தானியம், வேலை இல்லா பட்டதாரிகளுக்கு 2 ஆண்டுகளுக்கு ரூ. 3,000 நிதி உதவி, பெண்களுக்கு இலவச பேருந்து பயணம், விவசாய கடன் ரூ. 3 லட்சத்தில் இருந்து ரூ. 10 லட்சமாக உயர்த்தப்படும் என்பதும் காங்கிரஸின் தேர்தல் அறிக்கை வாக்குறுதிகள்.

கர்நாடகா காங்கிரஸ் கட்சியின் தேர்தல் அறிக்கை வாக்குறுதிகள்

• குடும்ப தலைவிகளுக்கு மாதம் ரூ.2,000 வழங்கப்படும்

• அனைத்து வீடுகளுக்கும் 200 யூனிட் மின்சாரம் இலவசம்

• வறுமை கோட்டுக்கு கீழே உள்ள குடும்பங்களுக்கு 10 கிலோ உணவு தானியம்

• வேலை இல்லா பட்டதாரிகளுக்கு 2 ஆண்டுகளுக்கு ரூ.3,000 நிதி உதவி

• டிப்ளமோ பட்டதாரிகளுக்கு 2 ஆண்டுகளுக்கு மாதம் ரூ.1,500

• விவசாய கடன் ரூ3 லட்சத்தில் இருந்து ரூ.10 லட்சமாக உயர்த்தப்படும்

• கர்நாடகாவின் KSRTC,BMTC பேருந்துகளில் பெண்களுக்கு இலவச அனுமதி

• விவசாயிகளுக்கு பகலில் மும்முனை மின்சாரம் 8 மணிநேரம் வழங்கப்படும்

• சொட்டு நீர் பாசனத்துக்கு 100% மானியம் வழங்கப்படும்

• ஆழ்கடல் மீனவர்களுக்கு 500 லிட்டர் வரியில்லா டீசல் வழங்கப்படும்

• 5 ஆண்டுகளில் ரூ12,000 கோடியில் நீல பொருளாதாரம்

• மீன்பிடி தடை காலத்தில் மீனவர்களுக்கு ரூ6,000 நிதி உதவி

• பால் மானியம் லிட்டருக்கு ரூ.5-ல் இருந்து ரூ.7 ஆக உயர்வு

• மேகதாது அணை கட்ட ரூ. 9,000 கோடி நிதி ஒதுக்கீடு செய்வோம்

• எஸ்சி இடஒதுக்கீடு 15%-ல் இருந்து 17% ஆக உயர்த்துவோம்

• எஸ்டி இடஒதுக்கீடு 3%-ல் இருந்து 7% ஆக உயர்த்துவோம்

• சிறுபான்மையினர் இடஒதுக்கீடு 4% மீண்டும் அமல்படுத்துவோம்

• லிங்காயத், ஒக்கலிகா இடஒதுக்கீடு அதிகரிக்கப்பட்டு 9-வது அட்டவணையில் சேர்ப்போம்

• கர்நாடகா முழுவதும் ஜாதிவாரி கணக்கெடுப்பு நடத்தப்படும்

• மத்திய பாஜக அரசின் புதிய கல்வி கொள்கையை நிராகரிப்போம்

• இரவு பணியில் ஈடுபடும் போலீசாருக்கு மாதம் ரூ. 5,000 சிறப்பு ஊக்கத் தொகை

• தேசிய கல்விக் கொள்கைக்கு மாற்றாக கர்நாடகா மாநில கல்வி கொள்கை

• ஒவ்வொரு கிராம பஞ்சாயத்திலும் Bharat Jodo சமூக நல்லிணக்க கமிட்டி உருவாக்கப்படும்

• 2006-ம் ஆண்டு முதல் பணியில் சேர்ந்த அரசு ஊழியர்களுக்கு பழைய ஓய்வூதிய திட்டம்

• பொதுத்துறை பணிகளில் ஊழல் ஒழிப்பு

• மக்கள் விரோத, நியாயப்படுத்த முடியாத பாஜக அரசின் சட்டங்கள் ஓராண்டுக்குள் விலக்கப்படும்.

• நாள் ஒன்றுக்கு 1.5 கோடி லிட்டர் பால் உற்பத்திக்கு இலக்கு

• 63 எல்லை வட்டாரங்களிலும் கன்னட மொழி, கலாசார மேம்பாட்டுக்கு நடவடிக்கை

#WATCH | Congress releases the party's manifesto for the #KarnatakaElections2023

Party president Mallikarjun Kharge, former Karnataka CM and LoP Siddaramaiah, party state president DK Shivakumar and other leaders are present on the occasion. pic.twitter.com/yMIdCZy0Km

— ANI (@ANI) May 2, 2023

English summary

Karnataka Congress Manifesto (கர்நாடக காங்கிரஸ் தேர்தல் அறிக்கை) 2023: Check Out the Complete List of Poll Promises by Karnataka Congress Party Including 200 Units of Free Electricity, 2000 cash aid for women family heads, Stipend Amount for Jobless and Diploma Graduates and much more.