கர்நாடகா: காங்கிரஸ் அதிக இடங்களை பிடிக்கும்.. யாருக்கும் பெரும்பான்மை இல்லை.. டைம்ஸ் நவ் கணிப்பு

கர்நாடகாவில் டைம்ஸ் நவ் நடத்திய தேர்தலுக்கு பிந்தைய கருத்து கணிப்பு வெளியானது.

பெங்களூர்: கர்நாடகாவில் டைம்ஸ் நவ் நடத்திய தேர்தலுக்கு பிந்தைய கருத்து கணிப்பு வெளியானது. காங்கிரஸ் 90-103 தொகுதிகளில் வெற்றி பெறும் என்று கணிக்கப்பட்டுள்ளது.

கர்நாடக சட்டசபை தேர்தல் தற்போது நடந்து முடிந்துள்ளது. இதற்கான வாக்கு எண்ணிக்கை மே 15ம் தேதி நடைபெறும் என்று தேர்தல் ஆணையம் அறிவித்துள்ளது. மொத்தம் 222 தொகுதிகளுக்கு தேர்தல் நடக்க உள்ளது. இந்த நிலையில் தற்போது டைம்ஸ் நவ் தொலைக்காட்சி நடத்திய தேர்தலுக்கு பிந்தைய கருத்து கணிப்பு வெளியாகி உள்ளது.

இதில் காங்கிரஸ் கட்சி பெரிய அளவில் வெற்றி பெறும் என்று கணிக்கப்பட்டுள்ளது. காங்கிரஸ் கர்நாடகாவில் 90-103 தொகுதிகளில் வெற்றி பெறும் என்று கணிக்கப்பட்டுள்ளது.

பாஜக 80-93 தொகுதிகளில் வெற்றி பெறும். ஜேடிஎஸ் 31-39 தொகுதிகளில் வெற்றி பெறும். மற்ற கட்சி, சுயேட்சைகள் 2-4 தொகுதிகளில் வெற்றிபெறுவார்கள் என்று கூறப்பட்டு உள்ளது.

டைம்ஸ் நவ் தொலைக்காட்சி விஎம்ஆர் அமைப்புடன் இணைந்து கருத்து கணிப்பு நடத்தி உள்ளது. அதன்படி காங்கிரஸ் அதிக இடங்களை பிடித்தாலும் யாருக்கும் பெரும்பான்மை கிடைக்காது என்று தெரியவந்துள்ளது.

English summary

Karnataka Exit Polls 2018: Congress will get a high number of seats, still no majority says, Times Now. According to it, Congress will get 90-103, BJP will get 80-93, JDS will get 31-39, Other will get 2-4.