உத்தரகாண்ட் தேர்தல்: ஆம் ஆத்மி முதல்வர் வேட்பாளராக ஓய்வு பெற்ற ராணுவ கர்னல் Ajay Kothiyal அறிவிப்பு
டேராடூன்: உத்தரகாண்ட் சட்டசபை தேர்தலுக்கான ஆம் ஆத்மி கட்சியின் முதல்வர் வேட்பாளராக ஓய்வு பெற்ற ராணுவ கர்னல் Ajay Kothiyal அறிவிக்கப்பட்டுள்ளார்.
உ.பி, உத்தரகாண்ட், பஞ்சாப், மணிப்பூர் மற்றும் கோவா மாநிலங்களுக்கான சட்டசபை தேர்தல் அடுத்த ஆண்டு நடைபெற உள்ளது. உ.பி. உள்ளிட்ட அனைத்து மாநிலங்களிலும் அரசியல் கட்சிகள் படுதீவிரமாக தேர்தல் பணிகளில் இறங்கிவிட்டன.
பஞ்சாப் மாநிலத்தில் ஆளும் காங்கிரஸ் கட்சியின் உட்கட்சி பிரச்சனைகள் தீர்க்கப்பட்டு காங். தலைவராக நவ்ஜோத்சிங் சித்து நியமிக்கப்பட்டார். உ.பி. மாநிலத்தில் பீகார் மாநில அரசியல் கட்சிகளும் தீவிரமாக களத்தில் இறங்கி இருக்கின்றன.
இதனிடையே உத்தரகாண்ட் மாநிலத்தில் ஆம் ஆத்மி கட்சியின் முதல்வர் வேட்பாளராக ஓய்வு பெற்ற ராணுவ கர்னல் Ajay Kothiyal அறிவிக்கப்பட்டுள்ளார். ஆம் ஆத்மி கட்சித் தலைவரும் டெல்லி முதல்வருமான அரவிந்த் கெஜ்ரிவால் இதனை அறிவித்துள்ளார். டேராடூனில் அரவிந்த் கெஜ்ரிவால் கூறியதாவது:
அரசியல்வாதிகள் அரசாங்க சொத்தை சூறையாடுகின்றனர். மக்களுக்கும் இத்தகைய அரசியல்வாதிகளுக்கும் இடையேயான தொடர்பு துண்டிக்கப்பட்டுள்ளது. இந்த நிலையில் ராணுவ அதிகாரியை முதல்வராக்க ஆம் ஆத்மி முன்வந்துள்ளது. பாஜக கடந்த 5 ஆண்டுகளில் உத்தரகாண்ட் மாநிலத்தை நாசமாக்கிவிட்டது. இவ்வாறு அரவிந்த் கெஜ்ரிவால் கூறினார்.
தாம் முதல்வர் வேட்பாளராக தேர்வு செய்யப்பட்டது தொடர்பாக ஓய்வு பெற்ற கர்னல் Ajay Kothiyal கூறுகையில், கங்கோத்ரி இடைத்தேர்தலில் போட்டியிட ஆம் ஆத்மி கட்சி எனக்கு வாய்ப்பு அளித்திருந்தது. கங்கோத்ரியின் பல பகுதிகளில் நான் சுற்றுப் பயணம் மேற்கொண்டிருக்கிறேன். மக்கள் அப்படி ஒன்றும் மகிழ்ச்சியாக இருக்கவில்லை. இந்த முறை மக்கள் வெற்றி பெறுவர். இவ்வாறு ஓய்வு பெற்ற ராணுவ கர்னல் Ajay Kothiyal கூறினார்.
Click it and Unblock the Notifications
Sign in with Google