ஆபாச பேச்சு ஆடியோ 'ரிலீஸ்'- பதவியை ராஜினாமா செய்தார் கேரளா அமைச்சர் சசீந்தரன்!
ஆபாச பேச்சு ஆடியோ ரிலீஸ் ஆனதால் சர்ச்சையில் சிக்கிய கேரளா அமைச்சர் சுசீந்தரன் பதவியை ராஜினாமா செய்துள்ளார்.
திருவனந்தபுரம்: தொலைபேசியில் பெண்ணிடம் ஆபாசமாக பேசும் ஆடியோ வெளியானதால் சர்ச்சையில் சிக்கிய கேரளா அமைச்சர் சசீந்தரன் தமது பதவியை ராஜினாமா செய்வதாக அறிவித்துள்ளார்.
கேரளாவின் மங்களம் டிவி சேனல் இன்று அமைச்சர் சசீந்தரன் செல்போனில் ஆபாசமாக பேசும் ஆடியோவை வெளியிட்டது. இது கேரளா அரசியலில் பெரும் பரபரப்பை கிளப்பிவிட்டுள்ளது.
தேசியவாத காங்கிரஸ் கட்சியைச் சேர்ந்த சசீந்தரன், போக்குவரத்துத் துறை அமைச்சராக உள்ளார். 1980, 1982, 2006 மற்றும் 2011-ம் ஆண்டுகளில் சட்டசபை தேர்தல்களில் வென்றவர்.
தற்போது சசீந்தரன் ஆபாச பேச்சு ஆடியோதான் கேரளா அரசியலின் ஹாட் டாபிக்காக உள்ளது. இதையடுத்து சசீந்தரன் தமது அமைச்சர் பதவியை ராஜினாமா செய்வதாக அறிவித்துள்ளார்.
அத்துடன் இது தொடர்பாக உரிய விசாரணை நடத்த வேண்டும் என முதல்வர் பினராயி விஜயனுக்கும் சசீந்தரன் வேண்டுகோள் விடுத்துள்ளார்.
Click it and Unblock the Notifications
Sign in with Google