ஜவடேகரா.. யார் அந்த ஜென்டில்மேன்?- குமாரசாமி கேள்வி

ஜவடேகரா யார் அவர்? என்று குமாரசாமி கேள்வி எழுப்பியுள்ளார்.

பெங்களூர்: பிரகாஷ் ஜவடேகரா யார் அவர்? என்று மதசார்பற்ற ஜனதா தளம் கட்சியின் தலைவர் குமாரசாமி கேள்வி எழுப்பியுள்ளார்.

கர்நாடகத்தில் யாருக்கும் பெரும்பான்மை கிடைக்காத நிலையில் காங்கிரஸ் - ஜேடிஎஸ் கூட்டணி அமைத்து ஆட்சி அமைக்க உரிமை கோரியுள்ளது. அதுபோல் பாஜகவும் அதிக இடங்களை காரணம் காட்டி ஆட்சி அமைக்க உரிமை கோரியுள்ளது.

இந்நிலையில் மஜத எம்எல்ஏக்கள் கூட்டத்தில் கலந்து கொண்ட குமாரசாமியிடம் பாஜகவின் பிரகாஷ் ஜவடேகர் தங்களை அணுகியதாக செய்திகள் வெளியானது குறித்து கேள்வி எழுப்பப்பட்டது.

அப்போது அவர் கூறுகையில், ஜவடேகரா யார் அவர்?, யார் அந்த ஜென்டில்மேன்?. என்னை வந்து அவர் பார்த்ததாக கூறுவது தவறான செய்தியாகும். ஜவடேகரோ அல்லது பாஜக தலைவரோ யாரும் என்னை வந்து பார்க்கவில்லை என்றார் குமாரசாமி.

English summary

HD Kumaraswamy asks Who is Javadekar? Who is that gentleman?. When he is on being asked if he had met BJP Karnataka in-charge Prakash Javadekar.