ஹோட்டல் ஊழியரை எத்தி, அறைந்த நடிகை பூஜா மிஸ்ரா: தீயாக பரவும் வீடியோ

டெல்லி: நடிகையும், மாடலுமான பூஜா மிஸ்ரா ஹோட்டல் ஊழியரை தாக்கிய வீடியோ இணையதளத்தில் வெளியாகியுள்ளது.

பிக் பாஸ் டிவி ரியாலிட்டி நிகழ்ச்சி மூலம் பிரபலம் ஆனவர் மாடலும், நடிகையுமான பூஜா மிஸ்ரா. அவர் நடிப்பை பற்றிய செய்திகளை விட அவரைப் பற்றிய சர்ச்சை செய்திகளே அதிகம் வெளியாகி வருகின்றது. இந்நிலையில் மேலும் ஒரு சர்ச்சையில் சிக்கியுள்ளார் பூஜா.

பூஜா டெல்லியில் உள்ள தாஜ் த்வாரகா ஹோட்டலில் தங்கியுள்ளார். ஹோட்டலில் இருந்து அவர் வெளியேறுகையில் அவர் தங்கியிருந்த அறையில் அவர் உடைத்த பொருட்களுக்கான பணத்தை அளித்துவிட்டு செல்லுமாறு கேட்டுள்ளனர். இதனால் ஆத்திரம் அடைந்த அவர் ஹோட்டல் ஊழியரை திட்டி தாக்கி, எத்தி, அறைந்தார்.

இந்த சம்பவத்தின்போது எடுக்கப்பட்ட வீடியோ இணையதளங்களில் வெளியாகி பரபரப்பை ஏற்படுத்தியுள்ளது. முன்னதாக படங்களில் நடிக்க வாய்ப்பு வாங்கித் தருவதாகக் கூறி நடிகை இஷா கோபிகரின் கணவர் டிம்மி நரங்கும், அவரது சகோதரரும் சேர்ந்து தன்னை பாலியல் பலாத்காரம் செய்ததாக பூஜா புகார் அளித்தார்.

அதன் பிறகு தனது வளர்ச்சியில் பொறாமை கொண்டு பாலிவுட் நடிகை சோனாக்ஷி சின்ஹா தனக்கு சூனியம் வைத்ததாக தெரிவித்து பரபரப்பை ஏற்படுத்தியவர் பூஜா மிஸ்ரா என்பது குறிப்பிடத்தக்கது.

English summary

Bigg Boss 5 contestant Pooja Mishra assaulted hotel staff when they asked her to pay the bill for the items she broke in her room.