நவ. 7 தேர்தல்: சத்தீஸ்கரின் 20 தொகுதிகளில் காங்கிரஸுக்கு 16- 18; அப்ப பாஜகவுக்கு? கடைசி பரபர சர்வே

ராய்ப்பூர்: சத்தீஸ்கர் மாநிலத்தில் முதல் கட்டமாக தேர்தல் நடைபெறும் 20 தொகுதிகளில் ஆளும் காங்கிரஸ் 16 முதல் 18 தொகுதிகளைக் கைப்பற்றும் என்கிறது கடைசிநேர Lok Poll கருத்து கணிப்பு.

சத்தீஸ்கர் மாநிலத்தில் மொத்தம் 90 சட்டசபை தொகுதிகள் உள்ளன. இந்த 90 தொகுதிகளில் முதல் கட்டமாக தெற்கு சத்தீஸ்கரின் 20 தொகுதிகளுக்கு மட்டும் நவம்பர் 7-ந் தேதி வாக்குப் பதிவு நடைபெற உள்ளது. இந்த 20 தொகுதிகள் மாவோயிஸ்டுகளின் செல்வாக்கு உள்ள மாவட்டங்களில் அமைந்துள்ளன. இந்த 20 தொகுதிகளில் இன்று மாலையுடன் தேர்தல் பிரசாரம் நிறைவடைகிறது.

126 கிராமங்களில்.. : சத்தீஸ்கர் முதல் கட்ட தேர்தலில் பழங்குடிகள் வாக்களிக்க 126 கிராமங்களில் வாக்குச் சாவடிகள் அமைக்கப்பட்டுள்ளன. நாடு விடுதலைக்குப் பின்னர் முதல் முறையாக இந்த பழங்குடி மக்கள் வாக்களிக்க உள்ள்னர். இப்பகுதிகளுக்கான மின்னணு வாக்குப் பதிவு இயந்திரங்கள் பலத்த பாதுகாப்புடன் ஹெலிகாப்டர் உள்ளிட்டவைகளுடன் கொண்டு செல்லப்பட்டன.

கருத்து கணிப்பு முடிவுகள்: சத்தீஸ்கர் மாநில சட்டசபை தேர்தல் குறித்த பெரும்பாலான கருத்து கணிப்புகள், காங்கிரஸ் கட்சி ஆட்சியை தக்க வைக்கும் என கூறுகின்றன. பாஜக, முந்தைய தேர்தலைவிட கணிசமான இடங்களைப் பெறக் கூடும் என்றாலும் ஆட்சி அமைப்பதற்கான பெரும்பான்மையான 41 இடங்களை பாஜக பெற முடியாது என்கின்றன கருத்து கணிப்புகள்.

Providing our predictions for the 20 seats where polling is scheduled for the 7th November 2023.

▪️INC 16 - 18
▪️BJP 3 - 5
▪️Others 0

Note: Most of these seats are from South Chhattisgarh#Chhattisgarh #ChhattisgarhElections2023 #AssemblyElections2023… pic.twitter.com/TlcTaTAnRl

— Lok Poll (@LokPoll) November 5, 2023

வாக்குறுதிகள்: சத்தீஸ்கரில் பிரதமர் மோடி இன்று பிரசாரம் செய்தார். முன்னதாக காங்கிரஸ் மூத்த தலைவர் ராகுல் காந்தி நேற்று பிரசாரம் செய்திருந்தார். சத்தீஸ்கர் மாநிலத்தில் ஆளும் காங்கிரஸ், பாஜக கட்சிகள் தேர்தல் வாக்குறுதிகளை வாரி இறைத்திருக்கின்றன.

கடைசி கட்ட சர்வே: இந்நிலையில் நாளை மறுநாள் சட்டசபை தேர்தல் நடைபெறும் 20 தொகுதிகளில் இறுதி கட்ட கடைசி கருத்து கணிப்பை Lok Poll நிறுவனம் வெளியிட்டுள்ளது. இந்த 20 தொகுதிகளில் ஆளும் காங்கிரஸ் கட்சியே 16 முதல் 18 இடங்களைக் கைப்பற்றுமாம். பிரதான எதிர்க்கட்சியான பாஜகவுக்கு மொத்தம் 3 முதல் 5 தொகுதிகள்தான் கிடைக்குமாம்.

English summary

Lok Poll's Final Survey predicted Congress will sweep in Chhattisgarh First Phase Election.