தாடி வச்ச டாடி.. ரசிகர்களை சுண்டி இழுக்கிறது மகளுடன் டோணி எடுத்த போட்டோ
ராஞ்சி: நீண்ட தாடியுடன் டோணி தனது மகள் ஜிவாவுடன் எடுத்துக் கொண்ட புகைப்படம் ரசிகர்களை சுண்டி இழுத்துள்ளது.
இந்திய ஒருநாள் மற்றும் டி20 கிரிக்கெட் அணி கேப்டன் டோணிக்கு தற்போது குடும்பத்தாருடன் நேரத்தை செலவிட வாய்ப்பு கிடைத்துள்ளது. வரும் அக்டோபரில் இந்தியாவில், நியூசிலாந்துக்கு எதிராக நடைபெறும் ஒருநாள் போட்டித் தொடர் வரை டோணி, சுதந்திர பறவைதான்.
மேற்கிந்திய தீவுகளுக்கு சுற்றுப் பயணம் சென்றுள்ள இந்திய அணி கேப்டன் விராட் கோஹ்லி தலைமையில் களம் காண உள்ளது. ஒருநாள் கேப்டனுக்கு கொஞ்ச நாட்கள் அவசர வேலையில்லை.
இதனால் குடும்பத்தோடு குதுகலித்து வருகிறார் டோணி. தனது செல்ல மகள் ஜிவாவுடன் டோணி போட்டோ எடுத்து அதை இன்ஸ்டாகிராம் பக்கத்தில் அவ்வப்போது போட்டு வருகிறார். தற்போது வெளியாகியுள்ள புதிய படத்தில், டோணி நீண்ட தாடியுடன், மகளை மடியில் வைத்துள்ளார்.
இது பொய் தாடி என்பதை படத்தை பார்த்ததும் புரிந்து கொள்ள முடிகிறது. தனது மகளுக்கு வித்தியாச அனுபவத்தை தருகிறேன் பேர்வழி என்பதற்காக, அன்பு டாடி டோணி இப்படி தாடியோடு காட்சியளிக்கிறார். இந்த வித்தியாசமான போட்டோ ரசிகர்களை சுண்டி இழுத்துள்ளது.
Click it and Unblock the Notifications
Sign in with Google